KFC買雞桶驚現「手指雞髀」？ 食客：手指都大過佢 肯德基回應
撰文：李納德
出版：更新：
除了味道，份量對食客來說一樣重要！有網民稱日前購買KFC肯得基雞桶，發現其中有雞髀尺寸細到「手指都大過佢」，照片所見，雞下髀大小和男子的食指長度相若，有網民笑言是「手指雞」，又質疑是否經過翻炸才會縮水，重提過去不時有人在KFC吃到「迷你」雞髀、雞槌。然而，部分網民直指照片中的雞件應是雞槌而非雞脾，提醒如果發現搞錯，可以要求店員更換。
KFC回應《香港01》表示，已即時聯供應商了解，因應全球疫情持續令供應鏈緊張，他們會時刻與供應商緊密溝通，希望維持食材供應的一致性。
有顧客指KFC的雞髀細小得「手指都大過佢」，照片引起網民熱議。（fb群組「大埔TAI PO」圖片）
樓主在fb群組「大埔TAI PO」發帖文，稱「KFC桶雞髀細到X街，手指都大過佢」，照片中他將雞件放在盒子上，顯示長度和他的食指相若。網民看後爆笑指是「迷你雞脾」、「童子雞」、「手指雞」，又稱個盒咪寫住咗 「it's finger，無呃」、「見唔見到上校笑緊你？」，又指大埔分店「啲雞次次都縮水咁」，甚至懷疑可能是曾經翻炸導致縮水。
過去亦曾有網民在另一群組「中伏飲食報料區」上傳KFC雞髀照片質疑太細件，引出不少網民分享曾點中「迷你」雞髀及雞槌，笑言最大的炸雞可能都送到《全民造星》做廣告，「 拎出去display 嗰啲雞大嚿到呢」。
過去網民分享KFC雞髀雞槌大小照片：
+1
不過，有留言認為照片中的大小應是雞槌，並非雞下髀，「唔係雞髀而是雞槌」、「雞全翼嗰隻槌」。有人指其實不論堂食或外賣，可以直接要求店員更換，「你堂食嘅話可以叫佢換，你外賣嘅話可以叫佢送隻雞腿畀你」。
KFC回應《香港01》表示，已即時聯絡供應商了解情況，全球疫情持續，令供應鏈緊張，現時刻與供應商保持緊密溝通，希望維持食材供應的一致性。他們重視顧客意見，會繼續努力提升服務，為客人提供稱心的用餐體驗。
（facebook群組「大埔TAI PO」）