港女被好友前度追求 內心勁掙扎 網民鬧爆：全世界得一個男人？
撰文：夏洛特
出版：更新：
同女友分手後又愛上女友的朋友？有港女發文稱好友的前度近日向她表白，但她卻猶豫不決。原來朋友早前分手後，港女就與朋友的前度有了來往，漸漸地互有好感，該男生更向她表白，但她擔心會傷害到好友，因此煩惱不已。
樓主表示在好友分手後，她不時與好友的前度交談，發現對方與自己有不少共同點，於是相談甚歡互生情愫。而該男生近日更向樓主表白，希望與樓主正式交往。（《三十九》劇照）
該港女在香港討論區以「如果朋友個Ex追你，會唔會應承？」發文，稱其朋友早前與前度分開後，一直未能放下該男生。而她因緣際會下便開始與朋友的前度聊天，發現該男生「其實真係幾好，大家嘅共同點都好多，都幾啱傾」，於是便與他吃了幾次飯。
該男生對樓主也有好感，近日更向她表白。但樓主覺得「唔係了解太耐，未到要一齊嘅程度」，加上對方作為「朋友前度」的身份，她擔心答應表白會傷害到朋友，「所以我同個男仔講都係做住朋友先啦」，然而該男生仍繼續追求樓主。尷尬的是，樓主懷疑朋友知道她與其前度私下往來密切，「最近佢（樓主朋友）無啦啦揾得我好密咁傾計」。她非常煩惱，不知應否答應好友前度的表白，於是發帖問網民意見。
樓主怕答應朋友前度的追求會傷害到朋友，於是暫拒該男生，「所以我同個男仔講都係做住朋友先啦」。（《無法抗拒的他》劇照）
帖文引來網民熱議，不少人都覺得樓主不應與朋友的前度拍拖，如貿然答應恐怕會被視作第三者，「全個世界咁多男仔，點解要同好朋友個Ex一齊？」、「既然你好朋友未放低，更加唔應該同呢個男仔一齊，做朋友都唔好」、「係朋友嘅就係朋友嘅，就算已經成過去都唔會」；亦有人認為樓主的好友已經知道她與自己前度「戀人未滿」的狀態，於是指責樓主傷害了好友，「你明知好朋友未放低個男仔，當初就唔應該同人曖昧啦」、「衰人！傷害已經做成，你做咩都彌補唔到」、「扮咩啊，做住朋友『先』咪即係想人繼續溝你」。
不過有網民就持相反意見，認為「蘇州過後無艇搭」，支持樓主接受朋友的前度，並建議她向好友坦承，「啱Feel就唔好錯過」、「一個適合嘅人好難搵，錯過就無」、「佢哋都分咗手啦，男未婚女未嫁，有咩問題」。