欲練神功？港媽為面子要阿女讀醫 高人指點逼飲符水、打坐助學業
撰文：夏洛特
出版：更新：
正所謂欲練神功，必先自宮，為了練就一身好武功必定要作出重大犧牲？有中學生日前發文，表示媽媽一向希望她讀大學時可以修讀醫科，但她學業成績不過爾爾，自知是無望，惟媽媽不知從何處聽到有師傅「靈氣逼人」，只要吸收了高人的靈氣就能「打通任督二脈」改善學業，考試如有神助。媽媽為達成所願，逼使樓主飲符水、打坐，令她苦不堪言。
樓主在討論區發文稱媽媽輾轉認識了1位師傅，據稱只要飲下他的符水及吸收他的靈氣就可以改善成績，更對此深信不疑。（電影《行運超人》劇照）
該名中學生在Dcard以「阿媽帶我入邪教求學業進步」為題發帖，稱自己成績平平，但媽媽卻希望她能考讀醫科，「佢唔想喺親戚面前丟架，都接受唔到自己仔女係廢物」。最近媽媽不知從何處打聽到有1位術士師傅很靈驗，便強迫她去看看。樓主原以為只需要去上炷香、聽師傅說幾句話就完成儀式，豈料那位師傅端來符水要她喝，又要她每天都去場館打坐2小時，「話咁樣可以吸收佢嘅靈氣打通任督二脈，讀起書上嚟會特別輕鬆」，更說如果有緣被師傅看中就會幫她「開天眼」。
樓主自然不信，但奈何不了專制的媽媽，只能聽從行事，「明眼人一睇就知係邪教，同阿媽講，佢只係認為我係唔想去先至喺度抹黑」。她又指媽媽封了「勁厚一包香油錢」給師傅，認為超出正常金額，擔心媽媽受騙。
家長緊張子女成績無可厚非，但樓主擔心媽媽關心則亂，因而受騙。（《親親我好媽》劇照）
帖文引來網民熱議，不少人都擔心樓主阿媽受人哄騙，又怕樓主如果貿然反抗不只會影響家庭和睦，還可能引起反效果，建議她尋求協助，「唔聽佢講，到時佢搵個師傅再畀多幾碗符水你」、「原po快啲揾人幫拖」、「同你學校老師講，搵社工嚟搞」。有人就認為求學靠的是刻苦，並沒有捷徑，「唔建議做啲治標唔治本嘅野」、「打坐兩個鐘去溫書好過啦」；有人就笑言「逆天改命，小說都唔敢咁寫啦」、「與其飲呢啲不如買個方包當記憶麵包咁食」。