女大生爆室友怪異行為：匿房內掹腋毛再大啖索 網民震驚：超痛！
撰文：夏洛特
出版：更新：
住宿是「大學5件事」之一，而且總會遇到許多奇怪事。有女大學生日前發文，大爆其室友喜歡躲在房內「掹胳肋底毛」（拔腋毛），而且拔完毛後更會把毛放近鼻孔去聞，她直言難忍室友的古怪行為。然而網民就「錯晒重點」，只關注樓主室友不用無痛方式脫毛，反而直接拔下，表揚她是「勇士」，「好勇！咁痛都忍到」、「癲啊，勇士」。
有女大學生大爆室友喜歡躲在房內「掹胳肋底毛」（拔腋毛），而且拔完毛後更會把毛放近鼻孔去聞。（《賭聖》劇照）
該名女大學生在Dcard以「接受唔到RM喺房做呢樣嘢，係咪我問題」為題發文，她先表示自己與不少女生一樣都會自行處理腋毛，一般會在洗澡時「順便整埋」。隨後她稱其室友的脫毛手法卻大不同，對方會在房內「直接掹胳肋底毛，最奇怪係佢掹完落嚟都算，仲會拎上手聞下」。該女生表示難以接受室友的古怪行徑，「想知我覺得唔係好接受到，係咪我問題」。
帖文引來網民熱議，有人認為雖然樓主室友此舉「嘔心」，但畢竟不是有傷風化的事，認為樓主應該包容對方，「你望住人做乜？扮望唔到啦」、「算啦包容下啦！個個人都有自己嘅小怪癖嘅」、「其實我覺得無乜問題，佢掹完又唔係周圍掉，又無叫你聞，頂多叫佢入廁所搞」。
而不少人都「錯重點」，把焦點放在了樓主室友脫毛的方式竟是直接拔出，而不採取無痛方式，「望字都痛」、「直接掹？Respect！」、「你roomate好癲」。另外有網民就分享自己室友的古怪行為，亦令其他網民震驚，「試過有roommate生痔瘡喺房拎住塊鏡自己照自己睇」、「我RM有床唔瞓，係要瞓床下底」。