離譜！Benz違泊銅鑼灣馬路　塞住電車過唔到　網民：後面唔識扭軚

整條路都被你「搞彎晒」啦！1張私家車違泊照片在社交平台流傳，只見1部平治（Benz）違例停泊在銅鑼灣路旁，導致後方電車未有足夠空間通過而被阻塞，不少網民都大罵私家車司機自私，又揶揄稱「你違泊個位置就係咁啱後面部車唔識扭軚」。

有網民於周五（28日）凌晨在facebook群組上載有關照片，顯示1部平治在晚間時分停泊在銅鑼灣三C木球會對出馬路，當時有電車由禮頓道駛入黃泥涌道，疑因不夠空位駛過遂停在平治後方，不過帖文未有交代最後如何處理。

帖文上載不足10小時已有過千人給予表情符號，很多人都批評平治司機做法過份，「泊完落車都唔睇下其他車夠唔夠過」、「好癲。點解可以咁都做得出」、「好多不假思索嘅違泊X，而家愈嚟愈放肆」、「應該係隔籬酒店食緊buffet（自助餐）」。有網民抵死反諷稱「咩啫? 你電車扭一扭左軚、扒一扒佢頭咪得囉」、「叮叮錯，一定係！作為一架車竟然唔識扭軚」。