Benz違泊迴旋處阻塞 巴士司機停車反被公審「又玩嘢」1句惹公憤

撰文:布萊恩
出版:更新:

在迴旋處違泊阻礙巴士前進還惡人先告狀?有Facebook專頁上載照片批評「巴士佬又玩嘢」,質問「其實巴士係咪冇R波(倒車檔)㗎?」。照片見到,一架九巴78A在迴旋處停下,前方則有一架停泊在雙黃線的平治(Benz),巴士疑不夠空間駛過。惟專頁公審巴士司機不成反被大部份網民指責,「有r波就可以泊迴旋處阻車?」、「而家啲人違泊好大聲夾惡」、「顛倒黑白!」。

照片見到,一架九巴78A在迴旋處停下,前方則有一架停泊在雙黃線的平治(Benz),巴士疑不夠空間駛過。(Facebook專頁「Asia Idiot Drivers」)

Facebook專頁「Asia Idiot Drivers」於9月18日晚上上載照片,見到一架九巴78A駛到迴旋處時,前方有一架平治(Benz)停在雙黃線阻擋去路,巴士疑不夠空間駛過遂停下。未知現場如何處理,惟專頁質疑「其實巴士係咪冇R波㗎?」,又標籤了「#巴士佬又玩嘢」。

專頁質疑「其實巴士係咪冇R波㗎?」,又標籤了「#巴士佬又玩嘢」。(Facebook專頁「Asia Idiot Drivers」)

帖文引來網民熱議,大部份都指責專頁無理,顛倒是非黑白,「有r波就可以泊迴旋處阻車?」、「有R波,但佢違泊係咪要係街R波就佢先?」、「而家啲人違泊好大聲夾惡」、「竟然唔係話個泊雙黃線嘅人,仲要話返巴士真係好嘢」、「真搞笑,點解會係問架巴士有冇R波,反而唔係問架Benz點解要擺喺個咁衰嘅位置?本末倒置!」、「Benz又停得衰嘅!仲要雙黃,抄得!」。也有網民指出,巴士盲點多,不能隨便倒車,「入緊後波有條盲毛衝埋嚟撞你屎忽,到時水洗都唔清」、「用R波係人情,唔用係道理」。

另有網民認為應有同理心,「違泊係唔啱,但有冇諗過個司機可能真係有急事(屎),唔立刻處理唔得呢?」,惟隨即有其他網民反駁,「照你咁講,有急事泊消防通道都得?」。