搭輕鐵唔拍卡、教阿仔玩遊戲唔畀錢 人妻狂怨教師老公 要咁補鑊

撰文:謝茜嘉
出版:更新:

任何不付錢的行為即是犯罪,而非貪小便宜!有人妻近日於討論區發文表示,婚前一直知道任職教師的老公為人節儉,沒料到結婚生子後,老公變本加厲成貪小便宜,例如乘搭輕鐵從不拍八達通繳付車資、教兒子於室內遊樂場玩遊戲不付錢,令她大呼「我最驚佢將呢啲價值觀傳授畀個仔,第日個仔都咁樣就大鑊」。

有人妻近日於討論區發文表示,婚前一直知道任職教師的老公為人節儉,沒料到結婚生子後,老公變本加厲成貪小便宜。(《寶寶大過天》劇照)

該名人妻於香港討論區以「老公貪小便宜」為題發文表示,婚前老公為人節儉,外出從來不買水,而是去私家醫院或體育館裝水,她當時甚為欣賞老公儲到錢。惟結婚生子後,她估計或許開支大了,老公變本加厲地節儉,「直頭係貪小便宜,比如搭輕鐵從不拍卡、食薩利亞明明冇落單自由飲又去飲,同阿仔去冒險樂園玩彈跳迷宮會叫個仔竄入去,唔畀錢」,她在旁覺得很尷尬。

她指出,諷刺的是老公任職教師,職位和月薪都不低,批評「真係好冇品德,完全冇身教,我最驚佢將呢啲價值觀傳授畀個仔,第日個仔都咁樣就大鑊」。

該名人妻大呼,「我最驚佢將呢啲價值觀傳授畀個仔,第日個仔都咁樣就大鑊」。(《夫妻的世界》劇照)

網民直言樓主老公教壞兒子,甚至已是犯罪,「教壞個仔無人格,將來人際關係一定都好有問題,得不償失,值?」、「個仔好快就會潛移默化,第時會去偷嘢」、「搭輕鐵唔拍卡屬刑事行為,日後小朋友對每件事價值觀一定唔好」、「貪小便宜同無品、盜竊行為,或者犯罪行為好大區別啊,你老公在犯罪啦」。

不少人建議樓主要認真勸老公,「你要同佢傾下,咁樣會係壞榜樣,影響仔仔」、「佢咁同偷嘢無乜分別,真係犯法㗎,要叫佢臨崖勒馬」、「你咪提醒他有案底,做不成老師!如果給學生、家長、同事看見/知道,也會影響教席,叫他認真想想!」。

樓主其後回覆網民留言表示,原來大家也覺得老公做法有問題,「我仲驚係咪自己太正直,咁我真係要同佢傾下喇」,又強調每次老公不付錢,她緊隨都會補回應付的金額。