$45賣鎖!西客開$10籲做善事 說話難明惹議 網民:咩抵你搭立?

撰文:李納德
出版:更新:

二手買賣要有被劈價的準備!有網民早前在二手平台以45元價格出售不鏽鋼鎖,惟有買家開價10元希望購買,稱「平啲賣比(畀)我啦,做下善事,仔女刀(都)孝順啲」,未料她拒絕後,買家即惡言相向稱「抵你搭立」。雖有網民批評買家殺價殺得太離譜,但更多網民表示難以理解其中文,疑問「咩叫抵你搭立?」。

樓主在二手買賣平台開價45元賣鎖,有人開價10元。(Carousell圖片)

樓主早前在facebook群組「Carousell乞衣+西客關注組」發文,稱第一次見到有買家面皮如此厚。據買賣平台的商品描述,樓主家人開的水電舖結業,故平放剩餘商品,「呢啲已經係無賺嘅價錢,麻煩大家盡量唔好講價」。原價50元的「不銹鋼鎖頭,防盜防鋸防生鏽」,售45元。

樓主上傳的對話截圖所見,有買家出價10元求購,未獲回覆後才加碼2元,說「12元,平啲賣比(畀)我啦,做下善事,仔女刀(都)孝順啲架」。樓主無奈回覆稱:「不如照原價$45買,當做善事,積下陰德,甘(咁)樣好冇。」買家見樓主拒減價後惡言相向稱「不怪得你間舖關門了,抵你搭立」。

樓主表示自己不是開善堂,「講價都講好啲啦,$45嘅嘢,叫人$10賣畀你,送埋畀你好冇,你都傻傻哋」。樓主批評對方「仔女都拎埋出嚟講」,第一次在平台上遇到如此厚面皮的人,「不過我冇仔女,何來孝順,所以點解要平啲賣畀你」。

網民批評買家開價離譜,「唔合價咪去第二到,強迫人哋平3分2畀佢」、「真係咩人都有」,爆笑稱可覆他,「10蚊得個盒,加25蚊有把鎖,再加鎖匙每把5蚊」,認為愛瘋狂殺價的人,「去食飯畀錢嗰時點解唔殺一半先」,笑言可以約他到長洲、南丫島「面交」。

不過許多人錯重點,認為買家的中文太難明,「條友啲中文,又錯別字,又口語書面語夾雜,點明呀」,「聽完佢講,仔女攞把『刀』嚟孝順你咪大鑊」、「咩係抵你搭立?」,樓主推測他應該想說「執笠」。