可怕!被家人知道有存款 失業打工仔呻遭圍攻索錢 網民獻計咁做

撰文:桃樂斯
出版:更新:

金錢面前,親情何價?有打工仔發文訴苦,稱其家人得知他有儲蓄後,便以多種借口想取用他的存款,包括夾錢買樓、要錢裝修和旅行等。樓主稱自己收入不高,「我只是萬幾蚊嘅底層打工仔,仲要最近冇咗份工」,又稱平時買十多元的零食都會被叫存錢,感嘆自從家人知道他有存款後便變得很可怕。網民都很同情樓主的遭遇,建議「對住貪心家人,一定要扮窮,問佢哋借錢,盡快搬走」。

有失業打工仔發文指家人知道自己有儲蓄後便提出買樓,裝修和旅行等等要求,感歎讓家人知道自己有存款真的很可怕。(《香港愛情故事》劇照)

該名打工仔在香港討論區以「俾家人知道自己存了一點錢真是好可怕」為題發帖,指自從家人知道他有儲蓄後,便提出不同要求,「老豆硬要買樓,要我夾,佢知道我有至少的金額;之後冇耐,我姐講大話想騙我5萬,佢話屋企唔夠錢裝修,問我有冇5萬」,甚至連母親都以去旅行問他拿錢。

樓主續指,早在2年前已曾與母親出遊日本,加上對方每次均指定在新年時間參加旅行團,花費甚大,樓主初步估計今次旅行需花至少4萬元,故提議等淡季才出發。他表示,「佢(母親)有冇諗過我打份工,存錢唔容易」,何況現在面臨失業,生活更加捉襟見肘,不禁大嘆「平時買嗰10蚊零食就訓話叫我存錢,去旅行又唔咁同我講」。

樓主無奈表示存錢本就不容易,「我只是萬幾蚊嘅底層打工仔,仲要最近無咗份工」。(《男人唔可以窮》劇照)

不少網民留言安慰樓主,又認為面對見錢開眼的家人便要裝窮,更勸樓主盡快搬離家中,「對住貪心家人一定要扮窮」、「財不可以露眼」、「親生仔不如近身錢」、「你屋企人咁自私,你都要為吓你自己,我係你就搬出去住,寧願住劏房」、「你屋企人都幾多活動」、「搵人做媒上門收數,佢哋即刻趕你走」。

部分網民則認同買樓才是最佳的理財策略,加上為人子女,報答父母的養育之恩也是應份,故認為樓主應出資協助父親置業,「買樓保值係正常理財策略,只要層樓同你聯名就可以,而家裝修係講緊幾十萬,如你有份住,付出少少係合理」、「一家人有今生無來世,仲可以對你幾多年啊?你細細個餵你飲奶,教你行路,你都要報親恩」。