帽事？男友與同性友人齊沖涼 1個花灑2份沖 女友震驚：仲面對面
撰文：夏洛特
出版：更新：
要多深厚的友情才會「玉帛相見」呢？有女生日前發文，表示男友突然自爆曾經因為「等唔切」，在1名男友人大便時衝入浴室洗澡，其後更與對方「面對面」一起淋浴，令她相當不解，於是發文問網民「覺得有無問題」。有網民即時打趣地指樓主男友是「hehe」（同性戀），更勸她「綠帽唔怕戴，最緊要除得快」。不過，有網民則「錯重點」關注大便味道問題，直問：「乜唔臭咩？」
樓主表示男友近日對她坦白，指曾經與1名男友人「面對面」一起沖涼，令她相當不解。（Dcard圖片）
該名女生在Dcard以「男朋友同男性朋友一齊沖涼」為題發帖，稱其男友近日對她分享早前的旅行經歷，突然說起曾與同性友人一起洗澡。事源是該男友人大便時間太長，而樓主的男朋友因為「等唔切」，於是闖進浴室洗澡。
沒想到，原本正在排便的男友人這時突然衝到淋浴間，與樓主男友面對面洗澡，「佢朋友又話等唔切佢沖涼，衝埋入去一齊沖涼」、「一個花灑兩個人用」。而最令樓主震驚的是，男朋友並不認為一起洗澡有不妥，而該男性友人其實本身是有女友的。因此，樓主不解地發文問網民「請問大家覺得有無問題」。
有網民就認為男生一起沖涼是平常事，不需感到奇怪。（《大叔的愛》劇照）
帖文引來網民熱議，不少人揶揄樓主「戴帽」、「帽事嘅」，「如果細嘅，忍唔住沖入去屙屎就有，點會咁臭入去沖涼？」、「頂帽唔戴都戴咗咁耐啦」、「你唯一需要擔心嘅就係兩個都對對方有興趣」。但亦有網民認為男生一起洗澡是平常事，「講真，女仔都會一齊沖涼啦，兩個男仔一齊沖又有咩問題，佢唔係同另一個女仔一齊沖咪得囉」、「好熟嘅完全冇問題」、「好正常啫，去露營或者出去做完運動，趕時間又得返格，就會兩個一格㗎喇」。