勁慘!家長滑梯換片遺糞 港媽帶仔一瀡悲劇了:白色衫後都係黃金

撰文:謝茜嘉
出版:更新:

孩子的糞便濺了出來,家長就有責任好好清潔!有港媽嬲爆發文怒斥,早前在黃昏時間帶兒子到九龍公園遊樂場遊玩,玩了一會後,她就陪伴兒子瀡滑梯,忽然有2位妹妹過來提醒,稱剛才有位媽媽在滑梯位置換片,「唔小心掉咗好多糞便喺度」。由於已天黑她瀡下去時沒有細看,結果發現兩母子鞋底中招之餘,「成套白色衫後面都係黃金」。港媽不滿地指為人父母明白有時會被迫在公眾場合換片,但弄髒了應清潔好,「你今日摧毀咗我同仔仔嘅活動」。

有家長在滑梯位置為小朋友換片,濺出糞便低未清理就離開,結果禍及他人。(示意圖/資料圖片)

有港媽投稿到facebook專頁「生仔要考牌系列」,稱早前在黃昏時間帶兒子去九龍公園遊樂場玩,最初十多分鐘玩得很高興,「直至仔仔走去玩其中一條滑梯…」。當時有2名小妹妹走過來,提醒她們小心瀡滑梯及附近位置,解釋剛剛有位小朋友在該位置換片,「嗰位媽媽換片嗰吓唔小心掉咗好多糞便喺度」。

瀡滑梯時天色已黑,她初時未有為意,聽小妹妹講完心知不妙,「我望一望下面,成個地下令立立,我即刻check吓個仔有冇掂到,點知我哋鞋底中晒招,我成套白色衫後面都係『黃金』,要即刻去附近商場處理」。

港媽坦言自己都是媽媽,在什麼地方換片不是最重要問題,有些情況的確被迫要在公眾場合換片,「換片可能會控制唔到,唔小心整污糟地方,it’s okay!但你可唔可以心比心,有返啲公德心呢?換完片之後,可以抹返乾淨,即使唔係deep clean都冇問題,至少唔係成灘留喺度啦!」。她續批評作為家長應該為其他小朋友設想,「如果你見到呢篇文章,僅僅想提醒你一句:身教重於言教。你今日摧毀咗我同仔仔嘅活動,好自為之」。

網民直言「睇咗咁多個post,呢個最離譜」,質疑家長為何入冬後仍露天換片,「唔怕凍親小朋友?」、「其實啲家長可唔可以尊重下細路私隱,去廁所換片…」、「仲要係九龍公園,有啲常識都知咁大個公園唔會無育嬰室」。網民批評該家長沒理濺出的糞便離去,「CLX咩玩法」、「體諒唔到」、「隔住個mon都聞到臭」。

(facebook專頁「生仔要考牌系列」)