沙田超市買丸被收多17蚊 店員回應仲離譜 顧客:睇嚟係佢哋日常

撰文:朱利安
出版:更新:

開門做生意最重要是「均真」,明碼實價無欺騙。不過,最近沙田1間超市就被顧客指控經常以計算錯食物重量的手法,多收取金錢,有港女稱日前到店內光顧時,察覺手上肉丸的重量明顯與價錢不對等,便要求重秤,結果發現店員多收她17元,不久看到同一顧客亦被多收10元;當下超市內另一男店員竟然說此情況「正常」,讓事主大為驚訝,直言「即係佢哋經常收多人錢?大家睇路!」。

事主一拿起袋中的肉丸便立即生疑,認為重量明顯與價錢不對等,便着店員重新磅重,結果發現被多收17元。(facebook圖片)

事主於facebook群組分享是次經歷,稱日前到沙田沙角邨附近某超市買肉丸,當天剛好由新來的男店員磅重,價錢為69元,但她一拿上手便立即生疑,「我攞上手發覺咁少點解咁貴!」,便着店員重新磅重,發現多收她17元,正確價錢應為52元。與此同時,事主發現身旁另一女子在買其他食物時,同樣被多收取10元,幸好對方非常機警,自行計算出正確應支付的價錢。

事主在帖文形容該超市多收錢的情況已非首次,又指一旁的女店員明知道新人磅重出錯也默不作聲,而另一男店員的回應更讓她大驚,「另一個男工竟然話正常,即係佢哋經常收多人錢?大家睇路!」。她又分享上一次被收錯錢的經歷,表示「我好耐之前買幾樣嘢佢都係計錯數收多,我以為係無心之失!今日睇嚟係佢哋嘅日常!」。

帖文引來不少網民討論,其中更有曾經光顧該店的顧客,表示自己亦疑似受騙,留言稱「我中過幾次,從此冇向佢買嘢」、「我之前都有買過,5塊魚收98蚊!可能都俾佢騙咗」、「我早幾日先俾佢收多咗錢,個男工仲超級串,叫我『你走啦!收多你好多咩?』」。有人則建議通報海關,絕不姑息欺騙顧客的行為,「『正常』呢句咁搞笑嘅,又唔見佢磅錯多10蚊畀你」、「個個都唔小心地收多十幾廿蚊,間舖fat fat」、「報海關啦,簡單直接」。