容祖兒《悲觀生物學》MV交彭秀慧操刀 半夜開工迫到Joey爆喊?

撰文:
最後更新日期:

容祖兒於全新廣東歌〈悲觀生物學〉再度與好友黃偉文(Wyman)合作,用這首苦情歌,延續〈心之科學〉的愛情課。歌曲講述人自出生就孑然一身,但長大後,單身反而變成貶義詞。人們被逼踏上所謂尋找「幸福」的旅途。在幾次戀愛經歷過後,不再年少無知、不再為單身害怕、不再執着與子偕老。

失戀一啲都唔可怕,一個人由出世到入士為安,都係一個人。(KKbox)

歌詞嘅表面會令人覺得人生好似冇希望、好灰,其實佢係話俾人聽失戀一啲都唔可怕,一個人由出世到入士為安,都係一個人,所以係正常,係一首比較另類鼓勵大家嘅情歌。
容祖兒

祖兒表示對歌詞有很大的感悟。這次MV導演找來其好友兼金像獎最佳新晉導演彭秀慧執導,能與好友合作,高興之餘,亦對好友有絕對信心,「可能因為佢讀戲劇出身,而且仲係一個女仔,佢對所有嘢嘅睇法好細膩、做事好認真。佢唔會無啦啦叫我喊,佢會將故事情節、結構講出嚟,等我慢慢代入。不過她表示今次MV拍得「好陰公」、「好陰公咁喊咗好多次,眼淚好似開水喉咁流出嚟,我好少可以喊得咁忘我。」

而很久沒有在港拍攝MV的她,因為這次要在日出時分取景,於是凌晨一時半便開始準備,「今日一點半call time,即係我平時未瞓、或者臨瞓嗰陣就要開始勞動啦!」祖兒又指上一次因工作需要而拍攝日出畫面,已是十多年前到瑞士拍攝《現代塵世美》。日出的時間短暫,幸好天公造美,最終能夠捕捉到日出瞬間。

【本文獲「KKBOX」授權轉載,按此收聽文中歌曲,立即下載KKBOX App收聽4000萬首中外日韓歌曲!】



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。