【關智斌演唱會】與TWINS鬥嘴 阿Sa爆seed:我哋頭家散啦!

撰文:
最後更新日期:

關智斌《Kenny is Born》紅館演唱會今晚尾場,多位圈中好友傾巢而出撐場,他們把拋開歌手包袱,互相爆料是常識吧,更尺度大開講黃色笑話,現場氣氛相當高漲。

攝影:劉智源

甫開場,音樂才落下,全場歌迷尖叫聲不絕,一句「何唏呵」讓全場陷入瘋狂。一首《眼紅館》唱着Kenny的夢想,而歌迷則是合唱着他們的青春。在唱到最後一句歌詞前,Kenny閉上眼享受此刻歌迷為他的尖叫歡呼,才感動地把最後一句唱出。

唱畢《戀愛最初回》,Kenny一臉享受地對歌迷說:「可唔可以再大聲啲呀?」應Kenny要求,全場尖叫聲震耳欲聾,他滿足地續說:「我仲覺得自己好似發緊夢咁,真係好唔真實呢個畫面,我要多謝你哋,係你哋令我上到呢個舞台,令我可以喺紅館唱《眼紅館》!」又興奮高呼:「山頂嘅朋友大家好!」

關智斌今晚舉行紅館騷尾場,興奮向樂迷高呼:「山頂嘅朋友大家好!」(劉智源攝)

+5
+4
+3

一眾英皇好友逐一現身,打頭陣有古巨基與Kenny合唱《La La世界》。唱完歌後,基仔立即火力全開,黃腔一個接一個打斷Kenny說話:「你隻手原來拖起好嫩!唔好意思打斷你,你繼續講!」Kenny靦腆說:「真係好多謝你!因為古巨基喺仲未知我會唔會搞個人騷之前,已經話要幫我!」基仔便打趣說:「我要重申一次,唔係1蚊都唔收,係仲要貼埋錢,我個頭仲係畀我老婆搞o添!」

基仔操刀為Kenny設計戰衣,又分享設計概念:「你鍾唔鍾意先?我哋幫佢度身嘅時候好多嘢睇呀!」台下歌迷又再尖叫,Kenny回一句:「有好多嘢飛嚟飛去呀!」基仔露出謎之微笑說:「到底有咩係飛嚟飛去呢?我都有露㗎!但大家都知我係『古巨肌』,所以我露大脾。」Kenny作勢摸向基仔:「仲有啲毛o添!」豈料對方神回:「你唔好捽啦,再捽啲毛會硬㗎啦!」然後又以演唱會名開玩笑,如「童顏巨斌」、「容重斌場」,令全場忍不住失笑。

Kenny身上的戰衣正是由古巨基親自設計。(劉智源攝)

鏡頭一轉到,TWINS和Kenny行住Catwalk出場,唱出《明愛暗戀補習社》和《愛情當入樽》Medley。三人感情要好,一開口便笑爆全場,Kenny搶先說:「多謝你哋咁忙都突登排開晒啲期嚟做嘉賓,但係嬌姐,你講嘢不嬲都好叻,你不如今晚試下神秘風格,拉埋個嘴!」阿嬌反擊:「我都唔知我講嘢有咩問題!」Kenny不留情面說:「你啲神經刀隨時殺死人!」阿Sa便搞笑說:「你哋一人少句啦,我哋頭家散㗎啦!」兼且送上香蕉和火龍果作賀禮,阿嬌突然爆爛gag:「我送我畀你呀,阿蕉呀!」在Kenny還字想到如何接招時,阿Sa便說:「食火龍果呀,你都好耐冇食啦!」Kenny便說:「滑腸呀!」三人都笑到連話都說不下去。回過神後,他們合唱《死性不改》,將歌迷由搞笑氣氛帶青春回憶之中。

TWINS加Kenny三人大放笑彈,阿嬌一句:「我都唔知我講嘢有咩問題!」Kenny不留情面說:「你啲神經刀隨時殺死人!」阿Sa便搞笑說:「你哋一人少句啦,我哋頭家散㗎啦!」(劉智源攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。