馮允謙赴俄羅斯拍新歌MV 6號@Rubberband做導演玩啲咩?

撰文:黃浩晉
出版:更新:

馮允謙(Jay Fung)推出新歌《尋找白金漢》MV衝出香港,遠赴俄羅斯海參崴拍攝,又邀請到RubberBand的主音6號擔任導演。能夠到俄羅斯拍MV原來因為之前的作品《山旮旯》,他說:「因為Wyman之前寫俾我首《山旮旯》好多人鍾意,當時就計劃要揀一個山旮旯地方拍MV,結果搵到一個比較唔算係旅遊熱點,而風景好靚又特別嘅地方,就係俄羅斯海參崴!」

馮允謙(Jay Fung)推出新歌《尋找白金漢》MV衝出香港,遠赴俄羅斯海參崴拍攝,又邀請到RubberBand的主音6號擔任導演。
點擊睇更多俄羅斯海參崴靚景(按圖放大)
+10

而《尋找白金漢》MV承接上一首歌《Full Moon Party》的故事線,Jay邀請女主角一齊去旅行可惜「食檸檬」,所以今次就要獨自出發。Jay更透露歌曲是寫一個癡情男子的故事:「歌詞係講一個男人瘋狂咁愛一個女仔,但對方比較現實,追求物質,雖然個男仔無錢,但佢仍然癡癡咁等呢個女仔回心轉意,而MV就講我一個人嚟到俄羅斯,遇到一個同分手女友好似樣嘅女仔。」