【阮兆祥演唱會】即興拉草蜢合唱 飛起蘇志威:新草蜢正式成立

撰文:
最後更新日期:

一連三晚的阮兆祥《King of Dreams演唱會》昨日在旺角麥花臣完成首場演出,祥仔不但以紅館規格製作今次演唱會,更把場地變成電台直播室。在商業電台主持《一圈圈》,祥仔在舞台上設立「直播室」,開放給現場觀眾點唱。祥仔表示有人點唱了一首比生日歌更短的歌曲,便是「歡樂今宵再會 各位觀眾晚安」。他又憑歌寄意:「《歡樂今宵》為我帶來好多回憶,包括令我認識到一位三十年嘅紅顏知己,梅小惠,呢首歌送比你。」及後深情唱出古巨基《歡樂今宵》。

祥仔在舞台上再搭出一個「直播室」,即場與樂迷點唱。 (葉兆康攝)

阮兆祥任職電台多年,他表示自己最享受是「黃毛丫頭」的時候:「初入行當時做深夜節目,凌晨2點到6點不停播歌,非常享受。我應該冇講過,其實我好鍾意郭小霖嘅《從不知》,送畀大家。」一曲過後,他又憶述TVB時期:「入咗去幾年,開始拍劇,我記得第一套係《沖天小子》,當時同劇仲有蔡一智、蔡一傑、蘇志威、張智霖。」又唱出同劇主題曲《三分鐘放縱》。怎料唱完一次,觀眾還嫌未夠喉,盛情之下,祥仔即興邀請了蔡一智及蔡一傑上台再合唱一次,他們更笑言:「早知呢個組合咁受歡迎,我哋當年就飛起蘇智威啦!而家我宣佈,新草蜢正式成立!」

即興被祥仔拉上台,蔡一智及蔡一傑笑言早知當年飛起蘇志威成立新草蜢。 (葉兆康攝)

與草蜢熱舞後,祥仔再唱2首快歌,便是《皆大歡喜》時裝及古裝版的主題曲,他又即場多謝家燕姐:「好掛念當時嘅時光,多謝你嘅教導。」同時又不忘答謝《溏心風暴》的監製劉家豪:「呢套劇令到祥仔攞到最佳男配角,有好多親切嘅演員,包括李司棋小姐,你帶畀我好多嘢,時常有一顆少女嘅心,我哋嚟緊又會有合作,大家留意住啦。」又唱出《溏心風暴》主題曲《講不出聲》以及鄭秀文今年新歌《我們都是這樣長大的》。

祥仔又答謝Paco:「多謝佢咁支持祥仔唱歌,揀咗呢首作品做我當年演唱會嘅主題曲,又搵到火火填詞。入面寫嘅全部都係我心聲,好多朋友爭到頭崩額裂,都希望爭做第一。但其實我覺得,做第二已經好好,我已經心滿意足。」語畢,他唱出這首代表自己的《二把》,最後又以羅文作品《月兒彎彎》為演唱會作結。

演唱會以祥仔偶像羅文的《月兒彎彎》作結。 (葉兆康攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。