【武漢肺炎】陳健安演唱會延期：冇嘢比健康同生命更重要
撰文：黃浩晉
出版：更新：
陳健安(On仔)從C AllStar單飛後，早前推出新碟兼積極籌備首個人演唱會，演唱會原訂於2月28日假伊館舉行。不過因為武漢肺炎疫情肆虐，主辦單位為保障藝人、製作團隊及公眾健康安全，決定將《陳健安2020以青春之名演唱會》延期，並會於疫情退卻時補演，詳情將稍後公佈。On仔在Instagram出post訴心聲：「直到收到消息一刻，仍然係會唔開心同流咗少少眼水。」不過，他收拾心情後，寄語大家：「到時除低口罩，健健康康，見證我嘅第一次。」
陳健安(On仔)在instagram貼出演唱會延期公告。(陳健安instagram圖片)
各位本原族族民一齊為族長打氣，一定好快可以睇到佢嘅第一次！(按圖放大)(資料圖片)
+2
陳健安在IG訴心聲：
呢段時間一直睇住疫情，都未知道演唱會開唔開到，心諗只要有1%可能開到都繼續準備，亦都做咗唔可以如期開到嘅心理準備。直到收到消息一刻，仍然係會唔開心同流咗少少眼水，會喺度諗：
「On diet咗三四個月、健身跑步咗五六十幾次、背咗歌詞個幾月、練歌、幾時先可以同大家分享成果...」
不過好快，我又諗：
「有多啲時間準備，一定一定可以再做得好啲。」
.
無嘢比健康同生命更重要。
.
多謝每位族人嘅支持同關心，希望你哋體諒，有最新消息會盡快通知大家。
.
呢段時間大家專心抗疫，繼續盡做。
到時除低口罩，健健康康，見證我嘅第一次。LOVE
.
本原族 族長上
#陳健安2020以青春之名演唱會