謝安琪生日珍惜天倫樂 大讚張繼聰:佢為屋企付出好多!

撰文:
最後更新日期:

謝安琪今日出席商台活動宣傳新歌《再度》,推出新歌當天正是Kay的生日,她希望藉著這個特別的日子將自己心愛的作品推介給樂迷:「呢首歌喺同Juno嘅企劃裡面係一個好特別嘅場景,我鍾意咗呢首歌好耐,因為差唔多兩年前已經錄好咗,所以我都想喺生日當日推出,好想同大家推介呢首歌。」

新歌談及她飾演的浦銘心再度遇上一個影響她前半生的人,讓樂迷好奇這個人究竟是董折還是韋羅莎飾演的寒玲。被問到,浦銘心的故事線往後又會否與其他藝人合作,就如麥浚龍與林嘉欣合唱《字典 與 聖經》一樣,Kay則先賣關子,並叫樂迷留待下回分解:「因為呢個係一系列即將推出嘅歌裏面嘅新劇情發展,所以就先賣個關子,大家慢慢就會知道我嘅角色會遇到邊個人。」

Kay獲同事贈送生日蛋糕,令佢覺得相當窩心!(按圖放大)(謝安琪Facebook圖片)

談到生日當天如何慶祝,Kay表示受疫情影響近日減少外出,不過老公張繼聰亦好識做,她說:「正日當日張繼聰book咗我好鍾意嘅餐廳,我哋好快速咁食咗個晚餐。」又面露甜蜜笑容。她又提到,這段時間更珍惜與家人一起的時光:「近排好多人都話少咗出街,多咗相處,多咗摩擦;但係我好慶幸我同一家人多咗時間一齊,我反而好珍惜這段時光,所以我喺生日好想多謝佢,佢係一個為屋企付出好多嘅人。」

鍾意攝影嘅Kay獲老公張繼聰送相機做生日禮物,Click入嚟欣賞下出自Kay嘅靚相!(按圖放大)(謝安琪Facebook相片)

Kay是忠實木村拓哉Fans,原來她早前與偶像近距離接觸,今日講起她立刻眉飛色舞。事源Kay今年1月赴東京參與《ABU TV Song Festival》唱出《只想死於你身邊》,期間認識到木村所屬的Johnny事務所的工作人員,對方得悉Kay是木村Fans,便邀請她與老公張繼聰一同欣賞木村上個月舉行的個人巡迴演唱會。Kay談起這段經歷亦非常興奮:「完咗之後我仲有機會入後台見木村,佢真人真係好nice,仲攬咗我一下!」然後又大讚對方身型超好,女神頓時變小Fans。

談起木村,Kay立即化身小粉絲,相當興奮。(劉智源攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。