何麗全親解《勁歌》變5分鐘原因 翡翠台用嚟打歌、J2睇歌手表演
撰文：劉傳謙
出版：更新：
何麗全今日出席谷婭溦祝捷會。（劉傳謙攝）
星夢娛樂行政總裁何麗全今日（5/11）現身尖沙咀，出席谷婭溦祝捷會。他大讚這位女將非常勤力，並答應將為她籌備演唱會，強調過去也同樣重視星夢歌手發展：「呢個係我哋嘅責任，唔係淨係學員，我哋都希望照顧到星夢歌手，如果啱時間嘅我都想幫佢哋開個人演唱會。歌手最大嘅兩件事就係出碟同開演唱會，胡鴻鈞11月已經開演唱會，出年1月都會有另一位星夢歌手開演唱會，遲啲會公布，阿溦就一定要開，依家搵緊邊個時間最合適。」
何麗全表示《勁歌金曲》兩星期後再會變回15分鐘版本。
被問到近期TVB音樂節目「勁歌金曲」縮水至只剩5分鐘，何麗全稱只是因為節目調動，強調目前依然維持分開星期六、日播放15分鐘的安排。他解釋這個決定並非因收視表現未如理想：「其實依家嘅做法同過往半個鐘係冇分別，但係完整版本都係會放喺J2同myTV SUPER度播。我哋覺得音樂節目都係後生仔比較鍾意睇嘅，擺喺J2會係最適合，但係翡翠台真係多觀眾睇嘅，我哋變咗喺翡翠台推介呢個音樂節目，推介啲歌，想睇其他歌手表演就可以去J2度睇，都係一個安排。同埋睇返呢兩個禮拜嘅收視率，其實調咗新時間反而會高咗，所以呢個安排都適合嘅。」