星光熠熠|詹天文與鍾柔美掉亂咪 首場新歌即遇意外感失望

撰文:劉傳謙
出版:更新:

《星光熠熠耀保良》今晚(27/11)在紅館舉行,炎明熹(Gigi)、姚焯菲(Chantel)、鍾柔美(Yumi)和詹天文(Windy)以組合After Class名義登場,首度現場演唱新歌《要為今日回憶》。

首度以組合After Class名義登場,演唱新歌《要為今日回憶》。(梁碧玲攝)

這隊新女團在表演後接受《香港01》訪問,Windy透露表演時遇到意外,對自己表現感到失望:「我同Yumi支咪掉亂咗,變咗我個耳機聽到佢把聲,但係聽唔到自己把聲。我都有試過除耳機聽台mon,但係真係delay咗好多,所以第一次唱live嘅表現冇咁好,有啲失望。」在旁的Yumi也安慰對方:「呢個都係一個過程,我自己都唔係好滿意今晚表現,不過我都會試下處理返成件事,唔想因為咁影響咗成個表演,希望下次我哋可以做好啲。唔使失望,OK嘅!」Chantel和Gigi都承認今次唱live準備匆忙,雖然有意外,但表現仍可接受。

Windy與Yumi掉亂咪,聽不到自己唱歌的聲音。(梁碧玲攝)

星光熠熠|張敬軒心情未受愛犬病重影響:要做嘢嘅時候就要做嘢

問到「叱咤樂壇我最喜愛的女歌手」投票中,曾經躋身15強的Gigi和Chantel都無緣晉級,二人都不感到失望。Chantel認為:「真係仲有其他歌手嘅,我覺得自己都未去到一個值得攞獎嘅位置。」而Gigi則直言:「都冇話失望唔失望嘅,因為我對呢方面都係順其自然。」四人雖然都有留意戰況,但她們都沒有互相投票。

Chantel與Gigi跌出「叱咤樂壇我最喜愛的女歌手」15強,沒有感到失望。(梁碧玲攝)
你可能感興趣