陳奕迅演唱會｜宣布再加開四場 呢8行超級靚位一定爭崩頭
撰文：黃梓恒
出版：更新：
陳奕迅《Fear and dreams演唱會》於上星期賣飛，搞到售票網死機創下塞車最長紀錄，共塞13小時，但其實最後更塞足15個鐘，因為明明已經全部售完，售票網繼續塞到晚上近11點，大家才死心不再塞入去網站開始變回平靜。
陳奕迅《Fear and dreams演唱會》加多四場。
不過上次未能買飛的歌迷不用擔心，今日EASON宣布加場！雖然只是加開4場（ 1月2，3日及6，7日），不過依舊近五成門票公開發售，即約14000張飛會放出街賣。座位表沒變，十年未見絕世台中間，最前正面靚位，4場都有。紅館仍然只可坐八成半人，但因為政府最近公布冧最新防疫政策，之前18場每六個人要隔一隔，今次可以12人坐埋一行，熱鬧一點。
黃金靚位繼續公開發售
雖然今次加場只得四場，不過跟上次一樣，最頭、最靚、最中間超級靚位，依然是公開發售（上圖箭咀指著位置），這八行、每行12個位置，相信開賣一定爭崩頭，如果開售當日入到去買的歌迷，真係快搶這個位置。
點擊睇Eason近照：
+6