陳奕迅唱《富士山下》竟輸MIRROR四子? 鏡粉直批原唱:唱到好悶

撰文:邱愛霖
出版:更新:

歌手陳奕迅(Eason)時隔9年終於在上周五(9日)開始舉行25場紅館演唱會《陳奕迅 Fear and Dreams香港演唱會》,歌單誠意十足,雖然有部分是Eason早期推出的歌曲,未必為年輕觀眾所熟悉,也不見有《單車》等大熱歌,但歌與歌之間都有所聯繫,各有主題,足見用心鋪排!Eason在尾段更大騷舞技,48歲依然唱得跳得,實力不容小覷。

Eason一連25場《陳奕迅 Fear and Dreams香港演唱會》日前於紅館開鑼。(IG@yisiyinyue)

Eason的歌陪伴多代香港人成長,連男子組合MIRROR都曾演唱過Eason的歌。逾一年前,姜濤、Anson Lo(盧瀚霆)、Jer(柳應廷)及Edan(呂爵安)於音樂節目《CHILL CLUB》合唱《富士山下》,當時四人唱功頗為青澀,但勝在感情投入,仍然博得一眾鏡粉留言鼓勵支持。

姜濤、Anson Lo(盧瀚霆)、Jer(柳應廷)及Edan(呂爵安)於音樂節目《CHILL CLUB》合唱《富士山下》。(CHILL CLUB截圖)

近日網友翻出這段片段,發現有鏡粉留言稱讚MIRROR唱得比Eason好,「我未聽過呢首歌,我再找原唱者聽,Sor不是偏心,但真係MIRROR 4人唱得最好(成日想recall mirror版聽)」

有網友附和道:「我同你一樣啱啱先搵到原唱者係邊個,但係冇聽晒陳奕迅同埋李克勤唱完成首歌,因為佢哋唱到好悶,同埋唱到一啲感覺都冇!」又指聽了無數次MIRROR版本的《富士山下》,大讚MIRROR唱得有感情。

有鏡粉認為MIRROR唱得好過原唱Eason及李克勤。(YouTube圖片)

留言被翻出後惹來其他網友熱議,不少人感到啼笑皆非,有人指可能該兩位鏡粉年紀較小,故未聽過Eason全盛時期的現場演唱,而粉絲全力支持偶像也實屬正常。有人留言指:「時代感問題?」、「鏡仔拯救香港樂壇!」、「我淨係聽過羅文版,點算好」、「就嚟連林子祥梅艷芳張學友都唔及 mirror 唱得好聽」、「佢哋d套路嚟架,見其他歌手唱功勁,就話mirror有感情,到其他歌手有唱功有感情,就話mirror把聲比較有辨識度,到其他歌手有唱功有感情有辨識度,唔好意思,mirror人品好又謙虛又勤力」。

點擊睇網友留言:

點擊睇Eason紅館演唱會片段:

+3