年輕是原罪?中女同事專打小報告句句針對 職場如何低調展現實力

撰文:
最後更新日期:

擊退小人,必須先令自己成為小人嗎?

公司資源有限,每年能夠升職嘅人數不多,等下三年、等下又三年,幾時先輪到你?有啲人為加快步伐,使出唔同招數行捷徑,最普遍就係出手「加害」其他同事,包括卸膊、篤背脊之類,日日要提防小人,加上沉重嘅工作,你話打工仔點可能唔討厭星期一吖。

撰文:詩寧

日日要提防小人,加上沉重嘅工作,你話打工仔點可能唔討厭星期一吖。(《製作人》劇照)

唔想畀人恰,當然係要令自己變強大,但咁樣係咪等於要令自己都變成小人,同其他小人鬥衰鬥奸呢?女生,照照鏡子,善良美麗嘅你何必迫自己成為醜惡的巫婆?一齊討論下點樣用智慧去擺脫職場小人。

學識以下三招,用智慧擺脫小人。(《我要準時下班》劇照)

「乜都推晒畀你做」嘅同事

有啲「前輩」好鐘意用「教你嘢」嚟卸走屬於自己嘅工作,新人入職,頭一星期未係好清楚公司、部門運作,總會有「前輩」同事「指點」新人,指點見你唔反抗就好易變「老點」。所以要分清楚自己當時係理解緊工作,定係被委派緊工作?而分嘢畀你做嗰個人實際上有無呢個權力?的確,新入職預咗要蝕底,但都要內心打定底,盡早睇清邊個係卸膊小人。

點圖即看如何應對==>

女生,真的真的要豐富自己心靈,無論你放工有無人約、放假有無街去,都請你提醒自己要注重個人修養。(《男朋友》劇照)

「專打聽同事私事當人情」嘅同事

女生,真的真的要豐富自己心靈,無論你放工有無人約、放假有無街去,都請你提醒自己要注重個人修養,唔好悶到全神貫注去收集同事嘅錯失、日常習慣,從而打小報告,表面上好似成功踩低人、令自己得到存在價值,但實際上只係畀人睇得出你無聊、缺乏自信、無安全感。

舉個例,我曾經遇過一個單身的中年女同事,佢好鍾意查問同事們的私事,儲儲埋埋一有機會就用嚟攻擊人,例如有一次,大家發現Pantry地上有灘水,但無人承認係自己做,結果呢位中年女同事就喺我背後偵探上身,話我屋企有外傭,所以我一定係個無手尾嘅人,灘水一定係我倒瀉……

點圖即看如何應對==>

「講多過做」嘅同事

常言道女人係用水造,你辦公室有無一種同事係用口水造?佢平時已經把口唔停,為工作環境製造噪音。而當佢「忙」嘅時候就更嘈!一般同事忙碌就是密密做,盡快將工作趕起,而口水同事就會周圍同人講自己好忙呀,仲有乜乜乜未做,上司就已經加咗乜乜乜畀佢喇…結果三日可以完成嘅工作,佢講足兩星期,務求全公司都知佢做緊咩Project、全公司都知佢忙。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。