僅周末開放、上水村落白色茶室 「希望嚟嘅人都可以體會寧靜」

撰文:顏寧
出版:更新:

24小時裡,你有多少時間是真正留給自己的呢?每天返工放工,回家後可能還要處理其他雜務。假日去咖啡室也是人頭湧湧,搵位甚艱難。即使找到位子也很難靜下來思考,究竟哪裡才有寧靜的空間呢?
在上水站坐上小巴,前往蕉徑村的路上兩旁都是大樹,到了一間白色小屋,屋外放著一塊告示,最後一句好霸氣:「謝絕所有心術不正、身帶暴戾之氣、濃妝艷抹的生物。」這裡的規則「囂張」過人,交談要輕聲,不建議講人是非,亦要放下手提電話及一切電子產品。這裡是白院子,希望前來的客人能放下自我,將身心交托於院內的寧靜淡泊。白院子只在星期六、日開放,客人須事先預約才可前來。
攝影:顏寧

Javis:「而家嘅世界裡面咁繁雜,唔知自己想點嘅時候,白院子就係世界嘅好細嘅地方,希望每一個人心裡都留返個細細嘅角落畀自己。 」
+8

白院子的名字

白院子的「白」,是源於《莊子·人世間》的「虛室生白,吉祥止止。」負責人Javis說,白院子希望能提供一個寧靜淡泊的地方:「希望喺嘈雜嘅香港,嚟嘅人都有寧靜嘅體會。」 「院子」的意思是這裡地方不大,就如世界中細小的角落:「而家嘅世界裡面咁繁雜,唔知自己想點嘅時候,白院子就係世界嘅好細嘅地方,希望每一個人心裡都留返個細細嘅角落畀自己。 」

每月有瑜伽、書畫課桯

總之,這裡不是文青Cafe,有茶,卻沒有東西可吃。屋外種滿了植物,也有一個鯉魚池。走到屋內,裡面是榻榻米的茶室,座位旁邊放了備燒的檀香,牆上放了幾個紫砂茶壺、幾盤蘭花,貼上了陳湛銓的《霸儒》和 盧仝的《七碗茶歌》。客人來到只需付茶錢,選一包茶葉與朋友沖泡,在這裡坐上3、4小時。除此之外,白院子每個月還會辦靜心課,內容可能是瑜伽、書法、畫畫,希望讓參加者透過這些活動靜下來:「你叫一個人無啦啦靜係好難嘅,所以就有𠵱啲媒介令人靜心。最後應該係要拋開呢啲嘢,無理由飲茶先靜得,最理想係無時無刻都可靜心。」

客人來到只需付茶錢,選一包茶葉與朋友沖泡,在這裡坐上3、4小時。

濃妝會被逐?「等佢哋門口諗一諗」

如果恰巧化了濃妝,或者在院內用電話,是不是真的會被逐出白院子?「係等佢哋係門口諗一諗自己,唔會唔畀佢哋入嚟。都係希望幫到佢諗自己,唔係校規。入到嚟,我都唔會抦佢。」Javis間中也會觀察到客人對寧靜的空間「唔聚財」:「尤其是被女朋友捉入嚟嘅男仔,唔慣無嘢做,因為平時慣咗不斷地會搵啲嘢佔據自己。」有些客人知道自己用電話「犯規」,就會如中學生在枱底下偷睇電話:「好好笑,其實佢用唔會記佢黑點、大過,唔會停佢課。」即使香港人向來缺耐性急性子,但身處於「陶淵明」的環境,心裏的躁動也能靜下來。

如果無事可做,白院子也為每位客人準備了白紙,回答一條問題:「如果你有小屋一間、良田半畝,你會點樣設計?」

院子主人給客人一張白紙?

如果無事可做,白院子也為每位客人準備了白紙,回答一條問題:「如果你有小屋一間、良田半畝,你會點樣設計?」現在的香港人大多會想到買私樓單位,為何要客人畫小屋加良田?Javis是希望引導其實人類是可以自給自足地生活。他有感現在的屋就如監獄,分別只是大和小,有無包會所。生活中太多的預設令我們無法跳出框框,Javis希望每位客人都可以保持心中對理想生活的想像:「你諗都唔夠膽諗嘅話就永遠都唔會發生,起碼你要有理念同圖像,無論你係求神拜佛好定係奮鬥好,你腦裏面有個咁嘅概念。」 而思考生活和自身的問題時,白院子就成了提供寧靜空間的角色:「點樣諗自己應該做啲咩,我覺得靜空間係可以幫到去搵自己。」

為年輕人而開

Javis說,其實白院子主要是為20、30歲的年輕人開設:「因為10、20年後,理論上係我哋去做好個社會,如果大部份都係唔知想點嘅狀態,咁我哋嘅香港好難有好嘅結果。」說起來,今年27歲的Javis在一條新界村落創業,因為他曾經也有段迷失的過去。後文再續。

迷失青年歸隱新界開茶室    引來「古人」同好:最好朋友是老子