移民潮下棄養增半 義工變調解員勸三思:唔想畀主人覺得咁容易

撰文:呂諾君
出版:更新:

不少人將寵物視為家人,但往往在遇到困難時,最先會選擇放棄家中愛寵。有機構指,在移民潮下棄養寵物的個案大增五成,而昂貴的醫療費亦是其中一個因素。擔任動物義工已七年有多的Yvonne表示,香港的主人常「恃住」有動物機構善後,動輒便想將寵物交託,因此義工們常會化身「調解員」,軟硬兼施地用不同角度和技巧勸主人三思,「唔想畀啲主人覺得咁容易」;她又呼籲主人考慮及早購買寵物保險,為寵物日後的醫療需要做好打算。

走入荃灣LAP(保護動物慈善協會)領養中心,有狗狗會立刻湊近閘門,也有的會馬上躲在角落,靜靜觀察人們的一舉一動。這裏現時有約20多隻不同品種的狗隻,大多是由機構從不同渠道接收回來、正待領養的,而中心的恆常義工只約七人。「我哋啲狗全部都唔入籠,救返嚟盡量一路出(找領養家庭),雖然中心係有啲困難,但個領養率算唔錯嘅。」Yvonne說道。

擔任動物義工已七年有多的Yvonne表示,香港的主人常「恃住」有動物機構善後,動輒便想將寵物交託。(呂諾君攝)

Yvonne的正職與市場營銷和投資有關,她自2015年起加入LAP,在工餘時間抽空幫助狗狗。由最初做前線義工,到現時她主要處理海量的領養工作,深入了解每個領養申請者的背景、條件,如接到緊急反映,間中也會自發出動「救狗」,「我哋冇rescue team(拯救隊),幫到手嘅有時我會自己去睇。有時啲主人只係撠住個位,我哋做調解員開解下,結果可能比就咁收走隻狗仲好。」

義工堅持要主人繳付離世狗隻火化費用

談到近期的個案,Yvonne指一隻名為Coco的大型犬令她印象深刻。她憶述,主人將Coco帶到診所時,牠已有全身肌肉流失、缺水、牙齒牙肉發炎到面部潰爛、鼻腔發炎流膿等嚴重問題,「診所朋友同我講,個主人唔肯畀醫療費,話張單好貴。朋友同我商量後,我哋勸到個主人簽棄養書,將隻狗轉畀我,用個人名義去幫隻狗醫。」雖然最後Coco仍是離世了,但Yvonne堅持要主人前往拿回Coco骨灰及繳付火化費用,「負返最後責任。」

但好多人又唔會選擇放棄生活中某啲嘢,最先就諗要放棄隻狗。
LAP動物義工Yvonne

建議主人為寵物買保險

「好多人有個心態,以為有動物機構所有嘢就好容易,去到一個位覺得搞唔掂隻狗,就掉晒啲狗畀機構自己唔去醫。」Yvonne指,曾遇過有主人哭着說不捨得狗狗,叮嚀她一定要為狗狗找到好家庭,「但好多人又唔會選擇放棄生活中某啲嘢,最先就諗要放棄隻狗。」當中醫療費用也是一大考慮因素。Yvonne也深明寵物的醫療費高昂,她以往曾養過五隻臘腸狗,當中有四隻腰骨都出現問題,每次的手術費都要數萬元,當時獸醫建議她分期付款,「其實BB出世都會買保險,唔通等寵物有病時先諗咩?」

在移民潮下,Yvonne指接到的棄養寵物的個案多了五成,而當中有一隻已年屆12歲的狼狗,Yvonne故意要其主人在移民前先找寄養家庭,待至有人領養才前往接收。一星期後,狼狗的主人竟然再次聯絡Yvonne,表示「都係唔捨得」,要帶同狼狗一起到美國生活,「𠵱家咪生活得幾開心,有時係要觀察一下,啲主人有一刻轉唔到出嚟就會係咁。」她又指,會建議領養狗隻的主人購買寵物保險,同時希望一班關心寵物的人能一起推動,讓大家都能學懂對寵物負責任。

你可能感興趣