【經典死場.三】入荃灣海濱廣場玩捉伊因 網民:驚冇人搵到自己

撰文:
最後更新日期:

在寸金尺土的香港,有一座24萬呎、8層高、空置4年的商場,它是香港「死場」的經典,每隔一段時間,總有網民討論這個商場的生與死,更有人說要組團入內探險。商場兩度易手,近日業主計劃將整個商場改作私立學校,看來終於壽終正寢。

香港很多商場及公共空間被斥過度管理。這個商場半死不生時,卻提供一個可讓街坊「騎劫」、自由發揮創意的空間。

商場已關閉四年,城市探索團隊HK Urbex一年前到訪,拍下一輯照片。(HK Urbex提供)

+6
+5
+4

【專頁:經典死場】荃灣海濱廣場滅亡之路 由全港第一到陰氣重重

【經典死場.一】荃灣海濱廣場空置四年 開業時擁多個全港第一!

【經典死場.二】威風一時的荃灣海濱廣場死因何在?

陰森、陰暗、陰氣重? 街坊:愈玩愈覺得恐怖

海濱廣場長期死寂的狀態,引發不少都市傳說,又說:「上7、8樓探險,都係唔錯嘅消閒活動。」去年,網民以「死場荃灣海濱廣場」為題討論,一段留言看上去也覺心寒:「成日去玩捉迷藏,見證住個場愈黎愈清靜,愈玩愈覺得恐怖。上到6、7樓,好似會無限輪迴,不停轉咁。到最後,大家都驚到根本玩唔到,個個都自己投降,驚冇人搵到自己。」這種恐怖感覺從何而來?

街坊Catherine就記得,商場「荒蕪陰沉、陰氣重」,「有個角落擺咗一副三角琴,因為天花用採光設計,有時陽光喺某個角度射落鋼琴度,十分恐怖,仲有啲唔知邊度嚟嘅麻雀圍住鋼琴飛。」

海濱廣場溜冰場。 (網上圖片)

海濱廣場2013年關閉前面貌。(何尚衡提供)

海濱廣場引發很多網民想像, 有人提議「《Left 4 Dead》(惡靈勢力)電腦遊戲可以搵佢做場景…商場打喪屍!」有人就說:「第一時間就諗起《Dead Rising》(死亡復甦)、《Left 4 Dead》同萬年cult片《生化壽屍》……搵人租哂成個場佢改做CQB(近身距離作戰)場一定好正!」

Food Court成情侶親熱、自修熱點 長者閒坐看報紙

半死的商場,有人覺得恐怖,但「識得用,其實好好用」。一般美食廣場總是擠得水洩不通,常要排隊等位,但海濱廣場頂層的美食廣場就有位無人用。它曾有不少餐廳,後來食肆愈來愈少,甚至全數結業,只剩座位飯桌。

學生素來缺乏自修空間,因為住宅空間細,自修室長期爆滿,有學生就在美食廣場自修。自小在海濱花園長大的Ashlyn說:「當時Food Court已經冇餐廳,連燈都冇開晒,環境好暗。因為圖書館自修室好遠,我試過上去當自修室溫書,貪佢冇人又靜,坐得粗魯、自備食物都得,冇麥當勞咁嘈,又不使錢。不過後嚟商場就封咗嗰層,冇得再去。」

美食廣場在關閉前,對街坊來說是「好用」的空間。(HK Urbex提供)

她又記得,這地方曾是個「偷情點」,「同學話不時會睇到有情侶上去錫吓攬吓親熱吓咁,睇嚟香港土地問題都源遠流長。」海濱街坊Grace記得,商場內不少座位,都有老人家閒坐看報紙。

偌大的廣場空間、人流少,加上管理欠奉,對小朋友來說可算是個樂園,但就要自創遊戲。海濱街坊Grace讀小學時,試過同學一同「探險」商場的閒置部分;當時綜藝節目《殘酷一叮》曾是一時熱話,她跟幾個小學同學,就試過在廣場內模仿《殘酷一叮》彩排,「因為有冷氣,地方大又冇人,我哋大聲播歌都冇人投訴。商場的確冇太多管理,又陰暗又少保安。」

商場內的探險、捉迷藏、自修、閒坐和偷情空間,至2013年新世界將商場賣予宏安集團後終於告一段落,一直關閉至今。2007年,發展商一度申請使用剩餘地積比重建,為何一直未見蹤影?商場兩度易手、關閉四年,重開的消息一直只聞跳梯響,當中又發生什麼事?2017年3月,業主宣佈打算將商場整幢改作私立學校,居民有何看法?下篇文章將會繼續探討。

【經典死場.四】荃灣海濱廣場變私校?小業主:我哋根本冇話事權
【經典死場.一】荃灣海濱廣場空置四年 開業時擁多個全港第一!
【經典死場.二】威風一時的荃灣海濱廣場死因何在?



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。