【老字號麵包店】唔想賺到盡 老闆主動減價 雞尾包$3個

撰文:阮淑賢
出版:更新:

「人哋講我唔信,今朝專登去睇吓,真係減咗價!」街坊所講的減價店,原來是上水石湖墟符興街的櫻島麵包餅店,不少麵包都減價五毫,例如鹹豬仔包、提子條等無餡包,由以前的$3減到$2.5,菠蘿包、雞尾包和牛油卷等則由$3.5減到$3,連在工廈食堂食碗麵也「閒閒哋」四五十元的年代,$2.5一個包絶對是香港人恩物。

麵包不加反減,原來又是土地問題。櫻島麵包餅店以前在上水石湖墟的新康街,老闆是香港人,開店18年,上個月才搬到現址。「舊舖要十幾二十萬租,年年係咁加租都唔係辦法,老闆話唔通一個雞尾包賣到5蚊咩?我哋做街坊生意,無理由叫街坊捱貴。所以老闆就決定搬去隔離街。」店長高小姐說。

 

芝麻條也只賣$2.5一個。(林若勤攝)

水貨店聚集 搶貴租金

上水石湖墟是水貨客的聚腳地,藥房及化妝品店為數不少,麵包店附近幾條街都被金舖、雜貨店、藥房等「包圍」。真正為街坊所需的小店,不少都因近年租金被水貨店扯高而結業,櫻島麵包餅店過去亦一直捱著貴租。

蛋撻每日新鮮出爐。(林若勤攝)

高小姐指,跟舊店一街之隔的新店由於位處內街,租金較舊舖平得多,只需「十萬多啲」。租金平了,老闆不想「賺到盡」,決定「賣大包」,減價益街坊。

唔想出名  怕辛苦同事

內街的人流雖然不及以前在大街般暢旺,但從現場所見,麵包店依然人流絡繹不絶,不少街坊和在附近工作的人也來掃買,每次新鮮麵包一出爐便熱搶。「我哋平日生意都好好,減價就再好生意啲!」麵包店阿姐說。街坊們一掃便十多個,其中以紅豆菠蘿包最受歡迎,每日出爐幾次,旋即沽清。

不少街坊特來買平包。(林若勤攝)

「哎呀,唔好影啦,又無化妝!」麵包店阿姐們雖然做到無停手,卻個個笑容满面,頻頻跟攝影師說害怕上鏡。麵包店老闆為人低調,記者多番要求老闆上鏡,但他都婉拒。麵包阿姐更笑言,老闆擔心生意太多「做唔切」,又怕辛苦了同事。「唔好報道咁多呀,我哋啲麵包焗唔切呀。」說罷,一班阿姐又哈哈大笑一輪。

+2