【深水埗掟錢】幣少稱買慈善飯票 明哥:慢慢引導佢行正確嘅道路

撰文:李慧妍
出版:更新:

深水埗早前有大批百元鈔票從天台灑下,引起市民哄動、爭相奪錢。自稱派錢的網民「幣少爺-新世代礦業」一度於社交聲稱,因公司大日子而「劫富濟貧」,原計劃昨日(16日)到深水埗「明哥北河行動」購買慈善飯票予老人家。明哥今早(17日)接受接受商台節目《在晴朗的一出發》訪問指,雖未有接獲相關人事聯絡,但樂意向對方分享經驗,以「正正經經」方式幫助基層,「慢慢引導佢走回正確嘅道路。」

明哥表示幣少未有聯絡他。 (潘安奇攝)

深水埗北河燒臘飯店東主明哥表示,昨日(16日)已安排眾多活動,至晚上才被告知幣少曾稱要參與「明哥北河行動」,購買慈善飯票派給老人家,惟未接獲對方聯絡。不過,明哥坦言,即使對方要一次性購買1、2萬張飯票,「我一次都做唔到咁多飯,無準備咁多食材。希望引導佢可以分批,教佢點樣派飯,唔會好似派錢咁引起社會騷亂。」

明哥續說:「最好就正正經經做,如果係一朝起到名(出名),社會都會覺得佢做得唔啱。」他指,事件導致警方出動維持秩序,引起交通混亂等,「按我哋活動嘅路向,幫露宿者、基層,用咩方法可以俾佢選擇,推廣俾佢,但佢想急功近利、宣傳,就唔太好,最好有長遠計劃。我哋有經驗,可以慢慢帶動佢做。」

被問及近年不少政客會與明哥合作、拉票,會否感覺「被抽水」。明哥直言:「我無乜所謂,希望個個選到上係做嘢,就會安排佢到基層服務,邊個選都無問題。依家愈嚟愈多飯票,有啲大刀闊斧係度做,我就好似補鑊佬咁,彌補社會一啲漏洞。」