【中秋節】旺角酒樓200訂枱取消 食客憂交通突變提早5時吃飯做節

撰文:
最後更新日期:

今日(13日)為一年一度中秋節,傳統上不少家庭會聚首一堂吃頓豐盛晚飯做節,惟今年中發生的反修例運動至今未平息,影響市民外出消費心情,連帶晚飯市道亦受影響。

《香港01》記者今日到銅鑼灣及旺角一帶酒樓視察,其中旺角倫敦大酒樓副總經理蘇萬誠表示,開業40年來,相對近年的時代起跌來説,今年是「相當風浪」的一年,酒樓位於大廈3樓至5樓,只有兩層樓滿座,「今年淨係中秋節都取消咗200枱訂枱,5樓整層完全唔需要開,原本仲要擔心3樓會唔會開唔到。」

此外,銅鑼灣皇室堡的一所連鎖酒樓當中,其經理向記者説,「今年剩係得正日有人嚟食飯,以往假期前後一個禮拜都會好旺場,但上個星期六、日仲慘過平日,當然驚啦。」

所有今年接電話都有擔心,怕係取消訂單。
倫敦大酒樓副總經理蘇萬誠指今年中秋節有200張訂枱取消

旺角倫敦大酒樓副總經理蘇萬誠表示,開業40年來,今年是「相當風浪」的一年。(梁煥敏攝)

「間房客」幾乎絕跡 多數坐大廳

位於旺角的倫敦大酒樓是傳統老牌大酒樓之一,副總經理蘇萬誠表示,開業40年來,相對近年的時代起跌來説,今年是「相當風浪」的一年。「今年有幾個大事原因嘅,先係豬肉食材來價貴,近年港人少到酒樓食飯,加上近日的社會問題,交通工具時開時不開,好多老人家出唔到嚟所致,唔係可以只怪一件事。」

酒樓位於旺角彌敦道一大廈的3樓至5樓,蘇表示,以往中秋節前後一兩星期,三樓層不時爆滿,今年只有「正日」較好,大部分為簡單一家人晚飯,「間房客」幾乎絕跡,「要間房就通常有最低消費,因為有專門職員服侍,今年大多數都只係坐大廳,仲要好多都係噚日或者今朝先夠膽訂枱,差得遠好多。」

他估計今年中秋節較以往少最少四成生意,「淨係中秋節,本來有好多劇團或老人團體會搞大型聚會,今年淨係中秋節都取消咗200枱訂枱,5樓整層完全唔需要開,原本仲要擔心3樓會唔會開唔到。」以平均枱價3,000元來説,已損超過60萬元收入,「所有今年接電話都有擔心,怕係取消訂單。」他指經歷多個寒暑,今年為生意上比較嚴峻的一年,主要為熟客「留守」維持。

↓↓9月15日中秋節各區情況↓↓

+36
+35
+34

黃金時間只八成滿 排隊人龍不復見

蘇續説,以往中秋節訂枱可以做「兩輪」生意,包括大約晚上7時前第一輪,及8時半的第二輪,今年則難以維持,記者於晚上7時15分到達,現場約有八成客人進餐,「以往呢個時間,出邊要排隊等,但係今年都唔使啦,有啲老人家仲要驚無車返屋企,有十幾枱客提早至下午5時入席。」

他說,這情況是多年來十分罕見,大多數是擔心晚上的交通情況有變,但樂觀的他認為,現時情況視為「守業」,只要維持更高品質,相信熟客仍然會來支持,不能過分擔心,並強調暫不會就此勸喻職員放假或減薪,「我都希望半年後會好返,所以依家都要守住。」

皇室堡酒樓:上周六、日 生意比平日差

另外,於晚上6時半,皇室堡內的酒樓雖然仍未「爆滿」,但客人已陸續到場,知客、經理等已忙於招呼客人到店內。其中連鎖酒樓稻香迎喜,門口不時有客人到來,等待「帶位」,但有經理及侍應不約而同表示,今年的市道交以往多年差得多。經理指,中秋節為傳統節日,一向以來,不少家庭會選擇於假期前的一、兩個禮拜前來做節,可是由於銅鑼灣經常有示威遊行發生,年長一輩擔心有危險而不來,「做咗咁多年,今年只係得中秋節正日可以爆場,上個禮拜六、日,仲差過平日,之後嘅禮拜六、日,都係唔夠客,睇到都覺得擔心。」她初步估計,今年客量少最少三成,以往中秋節有「兩轉客」,今年第二輪時段的客況一般。

+26
+25
+24

↓↓9月15日中秋節各區情況↓↓

食客轉吃平價餐 員工:再係咁驚無得撈

可能不少港人對前景感到迷惘,經理續說,今年不少顧客選擇較便宜的套餐「勒緊荷包」,「好似上年都會食啲四、五千蚊嘅套餐,今年通常都揀啲二、三千蚊嘅,似乎都好擔心。」另一員工表示,公司有見及此,將不少套餐的定價大減,今年只需3,000多元,已經可以享用龍蝦套餐,「個個都唔敢出銅鑼灣,成個社會都唔好啦,再係咁我都要驚無得撈呀!」

另外,同樣於皇室堡的彩福皇宴,其職員同樣跟記者表示,今年的訂枱較去年差得多,更説:「二輪翻枱情況更差,唔洗諗,呢排(生意)都唔好呀!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。