【米芝蓮2020】旺角甜品店同獲「米豬蓮」 老闆:食客頗關注政見

撰文:
最後更新日期:

《米芝蓮指南香港澳門2020》名單昨日(17日)揭曉,除了星級餐廳,也有21間香港食店登上獲推薦「街頭小食」榜,當中旺角甜品店Joyful Dessert House是其中一間。該店近月也被納入「黃色經濟圈」而成了「米豬連」推介餐廳之一。

負責人高焯倫坦言,不少香港人現時關注餐廳「政見」多過是否米芝蓮推介,強調自己原本只是為了為年輕人打氣,並非為得到推介,「香港呢半年發生咁大件事,的確連我自己都差啲遺忘咗呢樣嘢(米芝蓮)。」他說明白店舖位於「敏感地帶」旺角,作為香港人,每個人都有一點付出,不介意生意有所下降,更多謝部份香港人同情他們,情況許可我也會外出用餐。

不少食客未有留意到餐廳是「米芝蓮推介」,説只有留意餐廳的政治意向,主要是感到環境「好舒服」。

高焯倫坦言不少香港人現時關注餐廳「政見」多過是否米芝蓮推介,強調自己原本只是為了為年輕人打氣。(梁煥敏攝)

我太太睇到Facebook回顧先記得,香港呢半年發生咁大件事,的確連我自己都差啲遺忘咗呢樣嘢(米芝蓮)。
Joyful Dessert House老闆高焯倫坦言今年差點遺忘頒獎日子

堅持品質致成本高 分店開完要結業

位於旺角黑布街的Joyful Dessert House,5年多前甫開店不久,已成為米芝蓮推介小店,一向不少「識食一族」到場支持。格仔餅、心太軟最受食客喜愛,對於繼續得到榮譽有一定的經驗。

老闆高焯倫說,「我哋一見到出品唔得,點都唔可能拎出去,要犧牲好多,逐個都望一次。千層酥唔脆口、心太軟唔得就唔出街,又要成日睇客反應先得。所以,我擔心啲出品得唔得,多過拎唔拎到獎。」他又指,這做法難以開分店,因會令品質下降、成本又高,「之前試過開,但好難做到,就關咗啦!」

對於再次得到米芝蓮推介,高表示仍感到高興,坦言對生意「有幫助、重要」,「我哋係佢哋一員,當然想繼續有,多一個獎可能放出嚟。的確而家係少咗遊客,但有韓國旅客認知同埋過嚟食。」

Joyful Dessert House老闆高焯倫專心制作各式甜品,期望要保持品質推出。(梁煥敏攝)

+3
+2

食客便利貼砌出連儂牆

環看店內四周,每一道牆壁、裡裡外外貼滿一張張寫滿鼓勵字句及支持反修例意見的便利貼,形成大型「連儂牆」,外界多稱為「黃店」,並成為支持反修例的市民所指的「黃色經濟圈」一員,門外貼有「米豬蓮」的認證。高說:「我哋唔係真係為成為黃店先咁做,我哋已經40幾歲,呢個香港第日都會係班後生仔。我哋做唔到啲乜,只好多啲鼓勵,多啲支持字句。」

由兩個多月前起,高努力學習以糖霜筆繪畫一幅幅支持反修例的圖畫,「Pepe」青蛙繪得出神入化,構思亦緊貼時弊,十分有趣,「我哋原本係放入Facebook支持下,點知個個客都想要,我哋就畫嚟支持大家,我而家有一個同事都可幫手畫,分擔一下,其實唔少客主要想得到個字嘅信息多啲。」他不用15分鐘完成一幅圖畫,十分熟練。

連續5年獲得米芝蓮推介街頭小食榜的Joyful dessert house,同樣得到「米豬蓮」認證,得到不少反修例市民支持。(梁煥敏攝)

身處戰場失四成生意 「要怪就怪嗰一個人」

現時不少支持反修例的市民,會先查看餐廳的政見才到場,甜品店成為米芝蓮及「米豬蓮」。高坦言對生意有正面影響,「旺角經常成為戰場,生意係會有影響,我哋有幾個月都少咗四成生意,但而家有損失都唔會介意,做香港人真係唔可以介意,要怪就怪嗰一個人。」近日市面情況較平靜一點,他感激有同理念的市民專程來支持,「我哋呢度成條街都同一睇法,好難得,所以可團結到,同埋業主肯幫手減少少租都好難得。」

店內貼滿支持反修例字句的便利貼,高坦言希望「同路人」可互相支持。(梁煥敏攝)

大學生食客:我只知係米豬蓮推介

提到要得獎的「秘訣」,似乎是要「犧牲」,問他會否擔心過會因意見偏重一邊而失去米芝蓮的榮譽時,「你見我夠膽貼到間店咁樣,你就知我唔會去諗啦!作為香港人要知自己要做嘅嘢!」

昨晚晚上8時半,店內的食客越來越多,大學生蘇小姐坦言不知道甜品店是米芝蓮推介食店,「我只知道佢係米豬蓮推介!」她又說現時不少同學及朋友跟她一樣,會先留意店舖的「政見」才光顧,已成為習慣,「我諗我可以keep(保持)兩年咁做。」另一食客Peter及一班朋友同樣因「政見」而到店內光顧,他說:「肥水不流別人田,我想幫襯邊間就邊間啦,我覺得啱就幫襯。」而另一朋友即說:「香港人而家係食『良心』,係咪米芝蓮我就無理會啦!」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。