【情人節】疫情籠罩花墟 買花不見人潮 花價降價一半回到10年前

撰文:
最後更新日期:

今日(14日)是一年一度情人節,每逢此佳節,旺角花墟早上已聚集不少男士在選擇花束送給情人。今早微風細雨下加上受疫情影響,到現場購物的人比以往少得多,有花店負責人表示訂單少最少一半,送公司的更少九成,叫苦連天,「有啲今日我哋送上公司,上到去發現佢都冇開工,都要拎返返嚟。」又有客人早已考慮所購買的花束,有別於以往心思選擇,更只不小心觸碰手,便立即彈開,顯得非常緊張,直言今年過得非常難忘。

有男士穿上西裝褸到現場選擇花束,他表示擔心受到傳染,不會外出吃飯,只好盡早購買禮物、買餸,回家自製燭光晚餐,「我盡量係屋企營造到西餐廳嘅氣氛,作為補償。」

今日為一年一度情人節,但受疫情及天氣影響下,今年來花墟買花的人流減少。(梁煥敏攝)

2000元可買到99支玫瑰

今早曾經一度下着大雨,加上受武漢肺炎疫情影響下,雖然今日為一年一度情人節,旺角花墟仍然顯得比較冷清。以往數千元的99支玫瑰花束,今年約2000元內已可購得到,於花墟開店20年的美美慨嘆,今年的定價大約為10年前同期價格,「今年啲花其實特別靚,但係天氣太差,加上啲人都唔出街,幾靚都冇用,冇人嚟睇。」

她續說,今天的玫瑰花來自荷蘭及內地,強調內地貨品並非來自武漢,非常安全,但絕大部份男士選擇荷蘭玫瑰,認為比較安全,「佢哋會買得好少,但係一定要揀荷蘭貨。」又有子女陪父揀花後笑説,「咁樣女仔會鬧少啲,(日子會好過啲?)都係架!」

+16
+15
+14

花店負責人:條街個個都已經叫苦連天

另外,卉豐花店負責人梁小姐説,今年情人節的印象非常深,非常難忘,「而家呢一刻淨係想銷晒啲貨,呢條街個個都已經叫苦連天,今年真係差咗好多。」她説,今年花束的價格為以往半價,加上絕大部份男士選擇300至400元的花束,相信與顧客收入減少有關,「而家個個入到嚟都即刻話預算係400蚊,以往通常都唔會咁,你而家見到嘅花,比起上年根本就已經冇晒,點會仲可以咁多擺喺度,差咗好多。」由於武漢肺炎疫症來得突然,內地花一度不能來港,加上擔心購花的人減少,入貨相當困難。

+8
+7
+6

送花上公司摸門丁 有訂單送醫院

梁小姐續説,大半年前社會運動開始,由於旺角為遊行路線之一,經常要提早關門,生意差得多,年初預算人流有所改善,但疫情一到,生意雪上加霜,「其實隔離左右大家都嗌晒救命,因為要繼續交租同埋畀人工。」以往購買花束是一件開心的事,對此印象更深,「今年送上寫字樓少咗最少九成,今日有幾束送到去,人哋公司仲要無開拎返嚟,同埋今年拎去屋企嘅多咗好多,仲有啲送去醫院,我哋都叫同事要小心啲,戴多兩個口罩,同埋喺門口交收。」

此外,以往有不少男士會行逛多次才購買,今年情況相當不同,「今年一嚟到,係有晒目標, 5分鐘搞掂,仲試過有一個客,只係唔小心掂到一下手就即刻彈開,疫情真係好影響心情。」

今日為一年一度情人節,但受疫情及天氣影響下,今年來花墟買花的人流減少。(梁煥敏攝)

買花買蠟燭在家過燭光情人節

花墟內,同時有多年來堅持送花的男士,羅先生新婚一年,由於受疫情影響,將會留在家中慶祝,一早穿上西裝褸選擇花束的他,昨晚起已為節日做準備,「噚日已經買定餸,今日一早嚟買花,花一定要買嘅,一陣去買蠟燭,希望可以做到以往酒店餐廳嘅氣氛,彌補下唔可以出街食飯。」

亦有男士帶同子女來購買花束,就讀中一的黎同學與爸爸購買花束送給媽媽,他説:「花我有份揀嘅,但主要係爸爸揀,佢年年都買花,媽咪收到次次都好開心。」他説,每年情人節將會外出吃飯,今年亦不例外,自認為強力電燈膽會乖乖地坐着吃共渡佳節,又指自己將來會效法爸爸送花的好習慣,「咁樣女仔會鬧少啲,(日子會好過啲?)都係架!」亦有網上出售花束的林小姐說,今年不少客人選擇用水果或蔬菜做花束,希望盡顯心思之餘,希望對方健康,「如果我買到口罩同搓手液,我都想要加上去,可以矜貴啲。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。