半億造價觀塘音樂噴泉開幕兩日即壞 出水位故障 瓷磚鬆脫

撰文:梁煥敏
出版:更新:

耗資逾5,000萬元興建的觀塘海濱音樂噴泉,周四起(22日)正式啟用,連日來不少家長帶同小朋友來玩耍。可是,今日有市民發現,噴水池部份出水位未能如常運作,部份瓷磚開始鬆脫,瓷磚與瓷磚間的罅隙比較大,但仍不少小朋友仍在水池跳來跳去。保安員走近有故障的位置拍照上報,但現場所見,本來圍封的位置已經解封給小朋友繼續嬉戲,但有小朋友叮囑記者説,「唔好玩嗰兩個,無水出嘅!」
有家長認同做法有一定危險性,會留意子女情況,及命令穿上鞋子免危險。

(Studio Incendo Facebook專頁/@ktse852)

何先生帶同兩個小朋友們到現場嬉戲,甫到步不久已發現有兩個出水位不能運作,感到奇怪,「呢度唔係啱啱開?你咁快就已經玩完壞咗,5000萬算唔算唔抵,你話啦。」

他又說,由於瓷磚鬆脫罅隙較大,小朋友的腳趾有機會攝在中間,造成危險,會命令子女穿上鞋子才玩耍。現場亦有其他市民邊散步,邊看在小朋友在水池耍樂,「邊有小朋友唔鍾意玩水,佢哋係好開心嘅,但係5千萬得呢個效果,個場又細,你話值唔值囉!」

+9

亦有現場玩耍的小朋友叮囑記者説,「嗰個爛咗,唔好玩嗰兩個(出水口),冇水出嘅。」

另外,本來用欄杆為着的破爛位置,下午已被保安員解封,但現場所見,保安員一直停留看守水池位置,又在損壞的位置拍照,他向記者坦言向上司匯報情況,「呢度係有幾個位置壞咗,嗰邊出水唔係好順,冇辦法小朋友玩得太開心,人人日復日喺個水池跳跳跳,玩爛咗。」

▼觀塘海濱音樂噴泉啟用首日▼

+15
發表評論...