美食博覽有攤檔疑「偷雞」供客試食 負責人否認:俾人睇吓啫

撰文:曾凱欣
出版:更新:

一連五日的美食博覽今日(12日)在灣仔會展開鑼,疫情下,展館範圍不可飲食或試食。《香港01》記者發現,有參展商疑似「偷雞」為客人提供花生、糕點等作試食,但該攤檔負責人堅稱沒有讓客人試食,「俾人睇吓啫」,又指往年亦有參展,今年不准試食對生意確實有影響。

有入場市民表示,「禁食」影響購買慾,「買酒要試吓先買,冇得試只可以睇到個款,就唔會買」,但因為防疫,他對大會措施表示理解。

貿發局回應指,已再三提醒所有參展商,所有現場售賣的食品及飲品必須密封包裝,亦禁止提供試飲試食。現場會有工作人員及健康大使,提醒參展商及入場人士須遵守會場衞生措施,及時刻佩戴口罩。

會場職員手持「禁止飲食」牌提醒

美食博覽今日(12日)開鑼,因應疫情,場內不可試食或飲食。會場內亦不如往年設置熟食攤位,場內亦有職員手持「禁止飲食」的告示牌提醒市民。

沒有熟食檔下,由於下月就是中秋佳節,今年其中一種熱賣食品變成月餅,多間連鎖店進場設檔攤,力銷不同口味的月餅。

有人拉低口罩「偷食」 有攤檔疑似「偷雞」供試食

不少參展商都表示,今年不設試食,生意較往年失色,記者留意到,有參展商疑似「偷雞」為客人提供花生、糕點等試食,亦有客人在攤檔前拉低口罩試食。

該攤檔負責人郭女士聲稱,沒有為客人提供試食,「係俾人睇吓啫」,又指往年亦有參展,今年不准試食對生意確實有影響,但「生意好差又唔係,都算係咁啦」。

不准試食影響購買慾 消費券帶動購物更手鬆

花一千元購買美食的林先生笑言,今日入場是打算「嚟行吓,振興吓香港經濟」,雖然有消費券,但他指,購物時沒有特別闊綽,「同平時一樣,見啱咩就買咩」。

今年會場首次不准試食,林先生因為擔心口味不合,認為措施影響購買慾,「買酒要試吓先買,冇得試睇到個款就唔會買」,但因為疫情,他都對大會的措施表示理解。他又留意到今年沒有熟食檔,不過覺得「有冇都冇咩所謂」。

甄先生與太太和家人一同到美食博覽,他們表示今日花新一千五百元購買粉麵、牛奶、冷藏食品等。(曾凱欣攝)

甄先生與太太和家人一同到美食博覽,他們表示今日花近一千五百元購買粉麵、牛奶、冷藏食品等,笑言「好抵」。太太指,政府派發消費券令她「買嘢都鬆手啲」,攤檔亦設不同的付款方式,包括支付寶、八達通等,甄太認為用起來都很方便。

她又說,今年不准試食始終比較失色,但明白疫情下相關措施亦是無可奈何,「冇疫情有得試食梗係好啲」。甄生就認為,疫情下若設試食會令入場的人士感染風險增加,「啲人未必敢嚟」,故支持大會的做法。

若與確診者同場或須強檢 市民:都冇得避,唔擔心咁多

貿發局今年為已接種最少一針的市民,派發合共三萬張門券。太太表示,到場後發現今日免費入場的名額已滿,有少許失望,認為大會可以增設更多名額。

早前書展,曾有一名帶變種病毒患者到訪,連累所有同場人士需強制檢測。甄太指,入場前沒有考慮美食博覽有類似情況的風險,「都冇得避免,唔知邊個打邊個(患者),入得嚟都有咁嘅風險」。