中秋節尋親|十兄姊盼與龍鳳胎弟妹重聚 找胡姓「11妹」「12弟」

撰文:孔繁栩
出版:更新:

中秋節是人月兩團圓的日子,68歲的郭惠貞有一個半世紀心結未解,希望能尋找失散的親妹親弟。郭惠貞出生大家庭,有十兄弟姊妹,她在家中排第四,母親1967年誕下龍鳳胎,但因父親離世無力撫養,忍痛將「11妹」、「12弟」交予胡姓夫婦養育,從此失去聯絡,只知道妹妹叫胡君玉(音譯)、弟弟叫胡君豪(音譯)。

每逢大時大節,郭惠貞都會想起一對孖胎,當年的決定是虧欠還是婉惜,非一時三刻可以解答,「我哋當年真係好困難,跟我哋真係諗唔到會係咩環境,但起碼有人養有得食」。

68歲的郭惠貞有一個半世紀心結未解,希望能尋找失散的親妹親弟。(鄭子峰攝)

龍鳳胎1967年出生為遺腹子 交予母同事兄長撫養

郭惠貞年幼時與家人同住長沙灣安置區,父親在土瓜灣貴州街浙和金屬製造廠工作,1967年因意外身亡,遺下腹大便便的郭母及十名子女,一家頓失經濟支柱。當年19歲的大家姐在青山道麗新製衣廠工作,知悉姓胡同事的大哥大嫂膝下無兒,商討後決定在母親臨盆後將BB交由胡氏照顧。

1967年大約12月(舊曆11月),母親在廣華醫院誕下龍鳳胎,胡氏一家即日將孖胎接走。根據郭惠貞了解,孖胎養父在港島區居住,賣布維生,大女叫胡君玉(音譯),弟弟叫胡君豪(音譯),除此之外一無所知,也沒有任何相片。

+9

「話唔捨得都無辦法,但我久唔久會諗起佢哋」

直至1995年,母親因患腦瘤術後昏迷不醒,十兄弟姊妹再次想起一對孖胎,希望他們可能去見親生母親最後一面。大家姐雖曾聯絡姓胡的舊同事,希望轉達訊息,但最終孖胎沒有出現,亦因此成為了郭惠貞的心結。

「1967年時候,我只得14歲,話唔捨得都無辦法,爸爸死咗又養唔起,但我久唔久會諗起佢哋。」郭惠貞一時間湧上心頭拭淚說:「我唔知點講好,即係想睇下佢哋個情形點,我諗起我爸爸死嘅時候我都喊過,一對細佬妹多得養父母養大,我都好多謝佢哋。」

郭惠貞得到兩名女兒支持,重燃尋找孖胎弟妹決定。(鄭子峰攝)

「好難講係咪虧欠,當時環境實在好困難」

失去聯絡半世紀,會否覺得郭家當初的決定,是對孖胎弟妹的虧欠?郭惠貞思量後,無奈說:「好難講係咪虧欠,當時環境實在好困難,但起碼有人養有得食,跟我哋嘅話真係想像唔到會係乜嘢環境。」

尋親路不容易,何況已經50多年,郭惠貞坦言:「身邊總會有人話『都咁耐無見啦』、『唔知仲有無感情』、『人哋父母都未必想你見』,我都唔知搵定唔搵好,有時都想放棄,但好在兩個女都支持我。」

尋親熱線:/ WhatsApp : 9332 0424

電郵:info@look4mama.com

網站:www.Look4mama.com