【渣馬直擊】今年首設親子跑 黎小朋友：我細細個已想跑
撰文：黃雅盈
出版：更新：
渣打馬拉松賽事如火如荼之際，今年亦是第一年有親子跑，沿途都可以見到有一家大細參與賽事。
黎氏一家今年首度參賽，一家人希望下年再挑戰10公里。(黃雅盈攝)
黎氏一家今年是第一次一家參賽，黎先生指自己已經跑了10年，兒子在耳濡目染下對長跑產生了濃烈興趣；第一次參賽的14歲黎小朋友十分滿意自己的成績，他從3、4歲就開始跟父母練跑：「爸爸媽媽一直都有跑開10公里，自己由細到大都見到就好有興趣，所以細細個就想跑。」他又指，希望下年可以跟父母直接參與10公里的賽事。
姑媽跟連小朋友一同挑戰親子跑，二人均稱今屆賽事氣氛很好。(黃雅盈攝)
跟姑媽一起參賽的連小朋友則認為，今屆賽事氣氛很好：「我都有一直游開水，加埋比賽之前有練開4公里，所以都覺得親子跑係輕鬆嘅。」同行的姑媽指侄女比她跑得更好，又稱今屆氣氛熱烈：「臨開跑嗰陣大會帶領一齊做熱身，成個氣氛都好正，跑緊嘅時候又聽到啲家長係咁同仔女打氣，所以成個賽事整體都唔錯。」
