MIRROR|Mo父看意外片段感揪心 願代子受苦:可否畀我哋唔郁得?

撰文:黃煦緻
出版:更新:

今日(25日)是聖誕節,但對於早前在MIRROR演唱會受傷舞蹈員李啟言(阿 Mo)的父親李盛林而言卻是「不一樣的聖誕」。他接受電台訪問表示,在意外發生後,有再次重看意外發生的一刻,感到激動揪心,「1秒前同1秒之後完全變咗另一個仔,另一個世界。」他亦坦言,意外後第一次見阿Mo的時候,感到非常矛盾,「感謝神(阿Mo)仍然生存。另一方面好心噏,一路都係好活潑,但係見到佢好無助。」他雖然沒有怨恨上天,但直言:「可唔可以代替我哋個仔,畀我哋唔郁得,畀我哋受創傷?」

▼7月28日紅館MIRROR演唱會受傷舞蹈員李啟言(阿Mo)IG照片▼

+19

重看意外片段感揪心、激動

本身為牧師的李盛林接受港台節目《舊日的足跡》訪問表示,意外發生後,「開頭唔知嚴重程度係咁樣,後尾再睇新聞報道先知道原來係一個咁重嘅物體跌咗落佢身上。」他表示,事後有重看意外發生的一刻,當時頓感心跳加速、揪心、激動,「1秒前同1秒之後完全變咗另一個仔,另一個世界。」他指出,當時阿Mo跳舞姿勢的頭及頸部向前伸一伸,若非如此「(相信)頭直程破開,當場冇咗。」

1秒前同1秒之後完全變咗另一個仔,另一個世界。
李盛林

他指出,意外後從加拿大趕回香港,在飛機上15個小時一直禱告,入手術室前亦與阿Mo視像會面,並一直鼓勵他。他坦言,意外後第一次見阿Mo的時候,自感非常矛盾,「感謝神(阿Mo)仍然生存,另一方面好心噏,一路都係好活潑,但係見到佢好無助。」阿Mo再見父母的時候,非常開心,甚至眼泛淚光。

李盛林(左)日前接受港台節目訪問。(香港電台相片)

決定由加拿大回流香港

李盛林指出,與家人已移居加拿大逾30多,現已決定回流香港。現時醫院給予阿Mo的復康儀器非常先進,當地未必及得上。

做人做咗咁多年,我相信喺舞台上高見嘅意外,我諗今次係第一次,正正喺我個仔身上。
李盛林

初時僅能靠口型推斷阿Mo想説的話

李表示,阿Mo頸椎第三及四節受損,初時基本上只有眼睛能夠活動,口部已「插晒喉」,僅能靠嘴型推斷他想説的話。另外,醫生初時診斷他95%不能康復,「但係我睇嘅係講5%」,相信會有神蹟出現。醫生又指,沒有一年也要半載在深切治療部(ICU)留醫,結果阿Mo 4至5星期就能離開ICU。

他又指,阿Mo非常努力復康,「人做100%佢做夠150%。」醫生亦跟他說:「佢冇怨天尤人好勇敢好鎮定咁樣面對」,更積極配合醫生指示。

直至阿Mo康復前都會繼續剃頭

李盛林又稱,之前與大兒子為阿Mo剃頭,阿Mo得悉此事後飲泣,相信他很感動,「未見過爸爸係咁。」李自言,雖然剃頭後的第一個星期不習慣,後來便慢慢接受,直至阿Mo康復前,都會繼續剃頭。

李與妻子又合作製作「爸媽心聲」影片,向阿Mo講解聖經,以及他們的生活和想法。有一次阿Mo看完影片後,跟父母表示:「爸爸媽媽當我好返會照顧你哋」,更配上哭泣的表情符號。

▼MIRROR演唱會調查報告及拘捕行動▼

+4

代禱信由阿Mo拍板

談及代禱信,李指出,初時有些傳媒不清楚事情,「(報道)有啲嘢唔係啱」,於是決定自己動筆交代,並經由阿Mo的師母羅乃萱,同時是李的大學同學,幫忙轉發至公眾,「多啲空間面對阿Mo,唔需要回應咁多嘢。」他續指,代禱信經常都收到很大迴響,全世界亦有不少人為阿Mo祈禱。他又稱,其實每封代禱信都經過阿Mo拍板,他只是負責起稿。

提到阿Mo女朋友蘇芷晴(So Ching),李盛林指對方是兒子在信仰以外最大的支持 ,「好單純嘅女仔,好願意為阿Mo付出」,直言挺喜歡她。他又引述醫護指「佢(So Ching)已經係專業㗎啦」,即使身材瘦削了不少,仍能一下子幫阿Mo轉到位置。對於有網民批評So Ching在網上放負,他指,相信So Ching亦面對好大壓力,「放唔放負,外人冇得解釋,需要內心世界表達。」

願意代替阿Mo受傷

李盛林表示,非常感謝醫護人員對阿Mo的照顧,不僅在阿Mo生日時買蛋糕給他,轉病房時亦會為其開送別會。他盼望阿Mo能夠「企起身郁得」,但希望一步一步來。他亦指,沒有怨恨過上天,但直言「可唔可以代替我哋個仔,畀我哋唔郁得,畀我哋受創傷?」

可唔可以代替我哋個仔,畀我哋唔郁得,畀我哋受創傷?
李盛林