【8.31遊行】速龍斥記者「黑記」「作故仔」 強光照記者

撰文:
最後更新日期:

8.31民陣遊行被警方反對取消,網民自發遊行演變激烈警民衝突,入夜後於其中一個示威者佔路抗議的地點銅鑼灣,有示威者於SOGO商場外投擲汽油彈,防暴警發射催淚彈驅散,其後於記利佐治街及告士打道維園對開多人被制服。

多名身上無明顯展示警員編號的速龍小隊警員制服一人期間,被在場記者質疑用手推開一名人士,警員回應指「我懷疑佢搶犯,得唔得呀!你咪繼續作故仔啦!你哋全部都作故仔啦」,又稱記者為「黑記」,「你哋最鐘意批鬥啦記者!」

警員於銅鑼灣制服多名示威者。(香港01記者攝)

速龍小隊警員被記者質疑用手推開人,該警員回應「我懷疑佢搶犯,得唔得呀!你咪繼續作故仔啦!」(香港01記者攝)

被質疑用手推人 速龍反指記者「你哋全部都作故仔啦」

晚上近9時,多名速龍小隊警員於記利佐治街及告士打道維園對開制服多人,制服一名男示威者期間,現場一名記者稱當時有人高舉雙手,被警員一手推開,一名速龍小隊警員站於記者面前,表示「你繼續吖,我可以企喺度嘛,你都可以企喺度」。記者指當時該名警員推開一名人士,警員稱「佢阻住我哋做嘢,佢想問佢(被制服男子)攞料,想搶犯,我懷疑佢搶犯,得唔得呀!你咪繼續作故仔啦!你哋全部都作故仔啦」。

稱報章報導偏頗 「你班黑記」

有在場記者反問「有咩報道係作故仔」,警員續稱「篇篇都係囉!」他又點名稱一間報章報導偏頗,「你班黑記,你幾時報過事實㗎?全部都係報立場」,警員又指「你哋最鐘意批鬥啦記者!報事實你又打人哋,你班暴徒,圍採訪車係咪暴徒圍呀,定你哋叫㗎?黑記就黑記啦!」旁邊一名速龍小隊警員其後轉過頭,將頭盔上閃爍強光的電筒照向記者,有記者表示「你可唔可以熄咗支燈」,該警員回應「你可以企埋一邊下嘛?我宜家喺呢邊,你可以企埋一邊」。

+2
+2
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。