網購攻略

旅行唔識外語 睇唔明菜單? 一件翻譯小法寶 幫你KO所有語言煩惱!

撰文:莉莉安
出版:更新:

旅行但求去得開心,不過就算事前嘅準備做得幾足都好,去到人生路不熟兼且語言不通嘅地方,難免總會出現一啲令人措手不及嘅麻煩情況,尤其係搵路同點菜嘅時候,唔通又要靠this this this同身體演技大法?雖則有時「蝦碌」情況都係一種樂趣同回憶,但若然你係帶住一家大細,想玩得開心,以下呢個小法寶就可以幫你將麻煩減到最低!

若然你係去英美等等嘅歐美國家,以香港人嘅英文程度,相信都仲過得去,溝通不成大問題。但假如你係去非英語通行嘅國家,例如法國、意大利、南美、中東國家,甚至係香港人經常去嘅日韓,去大城市都還好,但一旦想體驗鄉下風情,要走入二三缐嘅城市,相信大部份香港人都未必應付得來,你又唔識講,當地人又聽唔明,仲未計口音問題,淨係簡單問下路,搭個車,都隨時搞你一頭半個鐘,唔趕行程都算,如果要去要主題樂園,book晒車飛或者入場券,咁就真係頭痕喇!

繼上次為大家推薦咗三件超慳位嘅旅行神器,今次小編就再搵到一件旅行出差不得不帶嘅小法寶——智能翻譯機

美國usatisfy智能翻譯機

可能有人會話,語言不通用Google Translate加身體語言都得啦,何需買部翻譯機呢?之但係有經驗嘅人相信就明白,Google Translate嘅翻譯其實並唔係非常準確,而且功能有限,就例如拍照翻譯咁,好多時都連字體都偵測唔到,如果撞正餐牌上用嘅係手寫字體,要靠呢個功能成功點菜就好棘手喇!

相反,市面上嘅翻譯機好多都係專為旅行而設,無論係文字翻譯語音翻譯拍照翻譯都已經做得越嚟越成熟,而且準確度亦越嚟越高。支援30種以上語言嘅翻譯機已經係好基本,今次小編推薦嘅呢部,更加係可以翻譯到106種語言

美國usatisfy智能翻譯機(白色) HK$629 (官方零售價HK$699)

想買翻譯機嘅你可能都略略做過research,見過下科大訊飛、NUANE、微軟、Google等等嘅翻譯機或者翻譯APP,而usatisfy雖然看似好陌生,但其實品牌為以上嘅翻譯引擎提供過多年技術沉澱,喺準確度方面已經做得十分完善,唔單止可以快至0.1秒快速翻譯106種語言就連唔同國家嘅方言口音都能一一識別,其中淨係中文都有7種,對香港人,尤其長輩嚟講,最方便一定係可以用廣東話語音翻譯,螢光幕會同時將廣東話同外語列出,問路點菜嘅時候即時遞畀對方睇,一目了然!

🔻智能翻譯機支援語言一覽🔻

若然想將外語翻譯成中文,又可以點做呢?唔識講又唔識寫,最直接當然就係影張相做翻譯啦,呢個功能雖然Google Translate一早已經有,但用過嘅都知有幾難用,非常唔user friendly,相比起嚟,usatisfy喺呢方面就做得非常唔錯,事關佢連手寫嘅字體都有80%辨認得到電腦字體就絕對冇問題!千祈唔好以為呢個功能冇乜特別,等大家去到日本嘅居酒屋、韓國嘅街邊小食店,就知道有幾好用!

以上嘅兩種翻譯功能相信已經係大家最常用到,至於其他功能?即刻撳入下圖了解埋!

+1

對於後生仔嚟講,旅行已經去慣去熟,的確係未必需要用到翻譯機,之不過如果你間唔中都會帶住一家大細出遊,又或者家中嘅兩老想去自由行,而你又陪唔到佢地,不妨都考慮吓呢部機,絕對能夠減少好多溝通上嘅煩惱!


你可能感興趣