Dyson舊款減價接近6折! 嚴選三款Dyson人氣家電 每個家庭必備!

網購攻略
網購攻略
撰文:
最後更新日期:

作為家電界中嘅Apple,Dyson一向深受唔少主婦,甚至年輕一輩嘅用家愛戴。其中皇牌產品吸塵機更被譽為「地上最強吸塵機」,就算價錢高昂,仍然吸引到唔少人乖乖進貢。點解咁受歡迎?係趁墟嘅心態?係身份嘅象徵?大錯特錯!事關Dyson嘅家電確實係外表美觀,同時功能亦都非常強大,好多小細節上嘅設計都非常切合現代家庭嘅需要。今次就為大家盤點三款人氣爆燈,而且好評如潮嘅Dyson家電,睇下你仲差邊款!

Dyson係一個嚟自英國嘅家電品牌,喺推出首部吸塵機之前,創辦人花咗接近五年時間嘗試咗5127次,先研究出首部無塵袋嘅吸塵機,而其後每次推出嘅新產品,每個帶嚟一個又一個令人驚喜嘅功能。睇到呢度,或者好多人都會質疑,Dyson到底係咪真係咁好用呢?網上有網民就表示:「如果你沒用過差的,恐怕不會明白Dyson 有多好用,雖然貴了一點,但它帶給你的體驗,絕對是值回票價。」

不過若然認真一算,就會發現Dyson嘅家電,無論係吸塵機、風扇、空氣清新機,定係最近先推出嘅造型神器,價錢一般都係比同類產品貴一截,雖然話就話係值回票價,但相信有部分慳家嘅朋友始終都未必捨得去買。小編今次就發現網上家庭用品店J SELECT做緊唔少Dyson嘅優惠,雖然唔係最新嘅型號,但購買家電最主要都係視乎需求同預算,唔需要下下都追求最新。今次優惠接近6折,想入坑嘅朋友仔不妨趁呢個機會入手試試!

Dyson必買好物——吸塵機

Dyson嘅吸塵機出咗名吸力強,配備多種針對不同材質而設計嘅吸頭,由木地板、磚地,以及地毯都能可以輕易除塵,甚至仲可以吸到99.97%小至0.3微米的微塵,加上方便用家清理嘅集塵筒,當以上嘅元素合而為一,吸塵清潔做起嚟就變得更加得心應手。

不過即使係同一代嘅Dyson吸塵機,款式都分為好多種,又Fluffy、又Animal、又Absolute,到底點揀好?其實主要分別在於所配備嘅吸頭唔同!

Fluffy:主要搭配硬地板專用嘅軟絨毛滾筒吸頭

Animal:主要搭配地毯專用嘅碳纖維刷毛深層吸頭

Absolute:同時搭配軟絨毛滾筒吸頭及碳纖維刷毛深層吸頭

若然大家係首次入坑,建議可以直接考慮買Absolute,畢竟配套齊全,最方便,第時即使有額外嘅需求都唔使再另外購買吸頭。

DYSON CYCLONE V10 ABSOLUTE 無線吸塵機HK$4280 (原價HK$6480)

呢款DYSON CYCLONE V10 ABSOLUTE雖然並唔係最新型號,但上市嘅時候都一度引起過唔少話題,更成為當時嘅吸塵機王。全因V10係內部結構上做咗唔少調整,一嚟採用咗全新設計嘅數碼摩打轉速每分鐘高達 125,000 轉,而摩打入面有智能調控,自動偵測所處環境嘅高度、氣壓、溫度而調整吸力。同時由於摩打、集塵筒設計上係對齊,加上14個氣旋,所以空氣會直線形式進入吸力會比一般吸塵機大好多

Dyson必買好物——座枱式靜音風扇

Dyson除咗吸塵機出名,無扇葉風扇嘅討論度亦都係相當高!自Dyson推出產品之後,無扇葉風扇更加成為風扇市場上嘅潮流指標,唔少家庭都放棄使用傳統風扇,改為使用更安全、更方便清潔嘅無扇葉款式。

DYSON AM06 座枱式靜音風扇12吋HK$1780 (原價HK$2980)

呢款AM06座枱式靜音風扇雖然並非全新型號,但𠵱家做緊6折優惠,二千都唔使就可以入手,非常值得推薦。Dyson嘅風扇使用Air Multiplier™ 氣流倍增技術,空氣穿過環形氣道時會加速,並同時捲入周圍嘅空氣,以製造出穩定嘅強風,因此無需扇葉,亦都有風從中央吹出。比起一般傳統風扇,無扇葉風扇運作時更加寧靜、安全,而且清潔亦更加方便。加上仲有睡眠計時器,可以預設15分鐘至9小時後關機,若果屋企有小朋友或者小動物,或者想擺部細細地嘅風扇喺房入面自私吹,咁呢款風扇就啱晒喇!

Dyson必買好物——座地式二合一風扇空氣清新機

繼座枱式無扇葉風扇,另一熱門產品就係智能空氣淨化風扇,事關呢款風扇唔單止具備所有Dyson風扇嘅強大功能,另外仲可以做埋空氣淨化,集風扇及空氣清新機於一身,一部機已經取代兩種家電,慳位又方便。

DYSON TP04座地式二合一風扇空氣清新機HK$4658 (原價HK$5480)

呢款風扇空氣清新機使用360°密封HEPA濾網同活性炭濾網,雙管齊下濾走有害氣體。濾網有效捕捉99.95%小至PM0.1的超微粒,諸如空氣中嘅致敏原、污染物統統都可以過濾得一乾二淨。最智能之處就在於風扇能夠即時感應空氣污染物包括PM2.5、PM10懸浮粒子、二氧化氮及揮發性有機化合物,配合埋Dyson Link應用程式,就可以對屋企嘅空氣情況了解得一清兩楚,如果家中有成員有敏感問題,呢部二合一風扇空氣清新機或者就幫到你喇!

Dyson嘅吸塵機好用程度幾乎係無容置疑,不過大家都不妨留意下Dyson其他電器,事關好多都設計得相當貼心,非常智能,好啱現代家庭使用。不過入手之前,記得先留意吓唔同嘅網上優惠,例如J SELECT嘅OUTLET,皆因好多舊型號不時都會有特價,呢個時候絕對可以幫你慳番一筆!

(產品資料以官方最新發佈為準,價錢最後更新至2020/01/11)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。