鼻敏感? 濕疹? 背脊生粒粒? 4招對付家居塵蟎 擊退敏感及皮膚問題

網購攻略
網購攻略
撰文:
最後更新日期:

香港人多車多污染多,唔少人長年都受到敏感問題困擾。患濕疹、鼻敏感、氣管敏感嘅人簡直就有如便利店一樣,幾乎總有一個喺左近!明明已經盡力避開令人敏感嘅物質,日日掃地抹屋、甚至豪擲千金買部貴一貴嘅空氣清新機,點解都仲係冇辦法徹底改善敏感症狀😭😭😭?原因好簡單,就係因為你仲未徹底消滅晒真正致敏嘅原兇——塵蟎!

塵蟎係香港最主要嘅致敏原,呢種有8隻腳嘅微生物,會引致鼻敏感、暗瘡、濕疹等問題。由於體型只有0.3毫米,微細到人類肉眼都無法睇得見,所以幾乎係難以避免。塵蟎通常都會喺25℃微暖而潮濕嘅環境生長,並吸附喺棉被、枕頭、床褥等等嘅家居寢具之上。香港嘅天氣濕濕熱熱,完全就係塵蟎安樂窩!所以不論大家本身有冇敏感嘅問題,經常出現皮膚痕癢、乞嚏打不停、又或者背脊日復日都生滿粒粒,原因就在於塵蟎作怪!

既然係咁,點先可以徹底消滅呢班不速之客呢?每兩星期勤洗床單被單?拎張被出窗外曬吓陽光,拍打吓?No No No!雖然勤洗床單係正確做法,但由於塵蟎嘅附著力超級強(畢竟有8隻有吸盤嘅腳),而且一般床褥係可以藏有10萬至100萬隻塵蟎,所以單靠一般方法係好難將塵蟎一舉殲滅。以下就教大家3招對付潛伏喺屋企嘅塵蟎!

🔻4 招KO家居塵蟎🔻

如果做齊以上幾點,相信塵蟎都好難再喺你屋企落腳!若然大家仲未入手除塵蟎吸塵機,不妨都考慮買返部看下門口。小編今次就揀咗3款口碑唔錯,而又容易喺香港買到嘅除塵蟎吸塵機畀大家!

🔻3款大熱除塵蟎吸塵機🔻

IRIS OHYAMA IC-FAC2 超輕量除塵蟎吸塵器HK$649

IRIS OHYAMA嘅除塵蟎吸塵機可以話係香港現時最熱門、最暢銷嘅除蟎吸塵機!事關佢功能強大,價錢適中,又係日本品牌,對一眾家庭主婦嚟講性價比非常高!IC-FAC2型號係暫時業界內最輕量化設計嘅塵蟎吸塵機,屬於手提式吸塵機,重量只有1.6kg,再加上低重心設計,即使係細細粒嘅女仔,要長時間拎住嚟吸塵都絕對冇問題。

而喺除塵蟎功能上,IC-FAC2都做得非常全面。當中最特別之處就係配備咗「三色燈塵蟎感應器」,如果清潔時感應器亮起紅燈,即係代表你嘅寢具或傢具入面藏有大量塵蟎同細菌!咁邊啲地方需要重點清潔,由此睇得一清二楚。至於吸力上,IC-FAC2透過每分鐘 6000 次嘅高頻率震動拍打,再結合旋風式氣流,可以徹底將潛藏喺被褥中嘅蟎蟲灰塵統統吸出嚟。呢個型號同時亦都有「暖風機能」,清潔嘅同時會吹出暖風,咁就可以保持被褥乾爽,令塵蟎難以滋生

地貝DW200無線吸塵器¥549

地貝吸塵機可以話係全能型吸塵機,一嚟可以當佢一般嘅直立式無線吸塵機咁大範圍吸塵清潔,二來亦可以將佢分體,配合唔同嘅配件,以手提形式清潔被褥,各種不同材質嘅傢具,或者私家車內嘅窿窿罅罅。

地貝DW200嘅吸力係達到12000Pa,無論係細微如毛髮,定大至零食碎屑都可以一一清理得一乾二淨。而喺除塵蟎方面,只要換上除蟎配件,就即可以三合一模式,包括高頻率震動拍打深層刮掃強力勁吸,清走塵蟎。基本上一支已經搞掂晒全屋上上下下、裏裏外外嘅清潔,啱晒預算唔多,而又想一機多用嘅家庭。

DYSON CYCLONE V10 ABSOLUTE 無線吸塵機HK$4280

Dyson嘅產品就最有信心保證,而吸塵機更加一向都係Dyson嘅皇牌產品,甚至成為舒適家居必備嘅好物之一,受歡迎及好用程度相信都唔使小編多講。

CYCLONE V10 ABSOLUTE 同樣都係全能型吸塵機可以一體及分體使用,當換上唔同配件後,就可以針對唔同地方同材質進行大清潔。Dyson嘅吸力由數碼摩打驅動,再加上14個氣旋產生嘅吸力,整體清潔力可以話係三款產品入面最強一款!而講到除塵蟎方面,Dyson嘅吸塵機有效吸除99.97%小至PM0.3的微塵及致敏原,更被多方面認證為「適合哮喘及過敏人士使用™」。雖然價錢相對以上兩款係昂貴得多,不過有唔少網上用家都表示Dyson絕對係物超所值,買得過!

(產品資料以官方最新發佈為準,價錢最後更新至2020/01/09)



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。