Facebook重新定義友誼 沉迷工作 再好嘅朋友都會不如不見…

撰文:StealJobs.com
出版:更新:

人生有好多對美好事物的追求,例如成功、自由、友誼、愛情等。
其中,最Pure的初衷莫過於友誼:一個十幾歲的年輕人未必明白自由,對成功與愛情亦可能未開竅,但肯定已經對「友情」有一定的體驗。無論係幾個要好的同學小息傾計、上堂傳紙仔,定係成班人放學後去球場打波,很「壞孩子的天空」,到高Form時一齊去自修室搏殺的戰友……

Miss old days……以往多麼不吝嗇展露的笑容,今天都因工作壓力與生活忙碌而收起來。沒什麼值得不值得,但讓友情隨歲月而轉淡,你捨得嗎?(視覺中國)

友誼係一種Companionship,然後隨年月增長及共同經歷而慢慢進化為Bonding。前者可能係隨機偶發的,即係緣份,而後者則係潛意識的關心與下意識的行為。在這個人人罵Facebook霸權的年代,的而且確,大家的Newsfeed已經愈來愈少見到朋友的分享,取而代之的係Unilad / LADbibile / 9GAG 不停循環再用的貓狗短片,或者本地的「陳奕迅英文好好聽」影片,Loop完又Loop。

不久的之前,Facebook的出現曾經令我們多麼驚嘆︰好多年冇聯絡的舊朋友,從此聯絡返,平時經常見的好朋友,大家亦會互相留言在大家的Wall,一有影Selfie又毫不吝嗇貼上Facebook並Tag人,再加搞笑或感慨,反正係有一定意思的Caption。

初入職場,遇有開心的、失意的也總想跟朋友分享,但隨年歲漸長,資歷愈深,有些昔日很想分享的心事,今天都只放在腦海深處……(視覺中國)

從天天見到只在網上見

唔知幾時開始,Facebook變了質,除咗係上述影片外,就係Sponsored Posts或者係社會新聞Posts。或者,唔單止係呢類內容氾濫的問題,亦係因為大家都唔再上Facebook Post嘢了。非正式統計,而家好多人將個人生活相片轉投在Instagram及WeChat的朋友圈,甚至係Snapchat。

甚至係,大家就算影咗相,都好少會Post上任何社交網絡,更何況係Facebook,反而寧願Whatsapp Send返出來好過。除非,係好好的朋友,而且係「值得」擺上FB的照片。

90後00後的友誼,可謂成也Facebook,敗也Facebook。

正如以上所講,即使勿論大家再有冇Upload嘢上FB的問題,即使有,你都未必見到你好朋友的Posts,因為太多重重複複的貓狗影片。

有見於此,Facebook早已推出「See First」功能,俾你追蹤特別好朋友及特別Like的Pages。

呢度又引伸一個與FB無關的問題,究竟你有幾多個 See First好朋友,又有幾多好朋友將你放到這個優先名單?或者呢個就係友誼本身的「期望差異」問題︰雖然我地話友誼萬歲,但有些友誼更加萬歲,有些則相對可以擺後少少。而你重視的好朋友,又是否亦將你設為同等的優先名單?「答案大概似剃刀鋒利」,因為正如愛情,你愛的人,可能更愛別人。你不愛的人,卻可能痴痴的等着你。

朋友一樣︰你重視的舊同學圈子,可能只當你係後備名單,「It's like you are invited to a party, but nobody cares whether you turn up or not」;但你覺得不太投契的另一堆朋友,可能係舊同事或以前去教會識的人,竟然卻視你為友濟間的靈魂人物。如果你經歷過呢種情況,這可謂人生的一大無奈。 (當然,教會朋友可能有其他Agenda,則是後話了。)

人生究竟有幾多互相「See First」,互相比Like及投契的好朋友?或者用呢個Metric來量度幸福感,遠比收入來得高。SJ都見過唔少例子係咁:好多高收入人士,撇除工時及壓力以外,唔少更容易有種社交隔離(Social Isolation),可能因為他們太忙於投入自己工作,而身邊的朋友也一樣各有各忙,所以從前日見夜見的老友,慢慢從冇時間見的疏遠,而退化為不如不見的舊人。

大家還是「散仔」或冗員時,卻容易幾個朋友維持經常見面的情誼。(資料圖片)

反而,在大家還是「散仔」或冗員時,卻容易幾個朋友維持經常見面的情誼,在大排檔閒談家常,去Neway對酒當歌。像古人「白髮漁樵江渚上,慣看秋月春風。一壺濁酒喜相逢,古今多少事,都付笑談中」的境界,往往唔係「居廟堂之高」的達官貴人,而係漁翁這種不起眼的角色。

人生好多所謂Give and take,魚與熊掌不能兼得,或許從呢一點,都可見一斑。但無論點都好,凡事當然有例外,2018差唔多過半,不妨想想自己,想想身邊人,你又有幾多個互相「See First」的好朋友?如果有,請好好珍惜;如果冇,則不妨考慮下係咪需要先從自己開始改變,令自己更加Approachable。

畢竟,如果可磊落做人,你會更吸引。

SJ結語

友情可貴,在於其價值有錢都買唔到。如果之前忽略了,那麼由今日開始,認真看待友情吧!

【原文轉載自StealJobs.com。StealJobs全面透露各行各業人工,工時,晉升前景,以及入行攻略,歡迎匿名提供收入資料。】