【職場熱話】不滿全港公司同時放Lunch 網民:等得位嚟都食唔切

撰文:
最後更新日期:

返工放lunch相信是不少打工仔每日最期待的事,一到放飯時間,各路人馬都會爭分奪秒,凶群而出,到不同餐廳覓食,遲一分鐘分分鐘無哂枱,又要趕頭趕命。網上有討論區的網民對大部分公司硬性規定放lunch時間感到相當不滿,皆因「條條隊都長過打風後嘅九龍塘站,等到有位都冇時間食飯。」

放飯時間是打工仔在繁重工作中「唞唞氣」的機會,但不少人每日需要花大量時間排隊買飯,真正坐下好好吃飯的時間非常緊逼。(資料圖片)

該網民以「其實全部office(辦公室)同一時間放lunch係咩玩法」為題,表達對經常沒有足夠時間食午飯的不忿,「個個都十二點放lunch,揾間野坐低食飯都唔得,條條隊都長過打風後嘅九龍塘站,最X慘係得九個字食飯,等到有位都冇時間食飯,點解想食個飯都咁困難。」行文間完全透露了打工仔希望好好坐下食餐飯的卑微願望。

此帖文引起網民熱烈討論,有網民指公司硬性規定食午飯時間是不近人情,認為如有彈性午飯時間,則會令大家輕鬆得多。有人表示,其公司實施彈性午飯時間,員工可以在11時至3時內放一個半小時午飯,有公司更容許員工選擇只吃半小時,然後早半小時放工,或吃兩小時午飯,但要遲一小時放工。

按圖了解更多網民意見:

+7
+6
+5

不過,有網民認為彈性食飯時間不可行,亦會造成行政混亂,「如果間間公司working hour(上班時間)都返shift(輪班)咁唔一樣,唔同公司之間點合作、點溝通、點開會,約時間都約到癲。」

香港打工仔日做夜做,中間想有時間好好食個lunch慰勞自己,絕對是人之常情。不同公司各有不同做法,管理層應該了解不同部門的需要,作出相應安排,而非因為怕麻煩,而將午飯時間統一。打工仔亦可善用不同的外賣App,或自己帶飯,就不用為排隊食飯而煩惱。

即使在員工餐廳吃飯,亦未必是最好選擇,記者曾有同事在1時到員工餐廳,但只剩下雞翼雞翼雙餸飯,令她非常無奈。(VCG)

立即下載《香港01》,緊貼公務員職位空缺、勞工處筍工推介,了解CV、面試致勝技巧!
下載網址:
https://hk01.app.link/bkbJyY5t4O



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。