結婚10年育有2子女 性事力不從心 性治療師:丈夫有句難言之隱

撰文:鄧煥儀
出版:更新:

良好的夫妻關係,性生活是重要一環。惟當夫妻之間出現性問題,卻不是人人懂得宣之於口,正面解決。資深性治療師何慕詩分享真實個案,拆解夫妻間常見的性問題,剖析主因及應對方法,讓夫妻們借鑑,從中學習經營關係的小秘訣。

按圖即睇個案拆解:

+6

溝通點到即止 甚少訴說真實感受

資深性治療師何慕詩表示,夫妻間經常遇到的性問題離不開做愛次數。「好多人會覺得男方想要多啲,女士覺得攰、辛苦、唔舒服、配合唔到,但其實同樣情況,女士亦會想要多啲,但男士覺得應付唔到。」

她指,影響關係的一大原因,是夫妻間的溝通總是點到即止,未能坦誠訴說感受。「好多時佢哋都會唔講真實嘅感受,唔講真實嘅原因。如果話,『兩夫妻好多嘢真係要攤出嚟講,坦白、老實咁溝通』,呢句說話看似冇乜問題,一齊生活就自然會溝通㗎啦!但事實係好多夫妻甚少將性嘅話題拎出嚟講,就算講都係好表面。例如『好攰』、『壓力好大』、『唔舒服所以唔想做』,點到即止。」

何慕詩分享,當夫妻其中一方向她求助,通常會有單獨會面的時段,而她往往發現,其實可以挖得更深入,說出生活上很多細節和問題,導致他們愈來愈拒抗與伴侶發生性行為。

誕下兩名孩子 夫妻關係開始惡化

其中一宗何慕詩曾處理的夫妻個案,丈夫四十出頭,妻子三十到尾,結婚差不多十年。從拍拖開始,男方在性方面也頗為主動,女方亦配合得不錯。婚後誕下第一胎後,夫妻間的性生活維持一個月三次左右,比以往少了,但仍可接受。「當要照顧小朋友、返工賺錢,性呢樣嘢唔再係夫妻生活嘅首要考慮。好多嘢覺得今日唔得咪等聽日,聽日唔得咪等後日,不斷拖延,但唔代表佢哋唔想。」

第二名孩子出生後,有一段時間,太太的身體及心理狀態仍未完全恢復。「驚整親傷口,又冇咩時間做運動。體形變咗,自己望住塊鏡都會有少少嫌棄自己。但因為佢本身係樂觀嘅人,會相信老公咁愛我,唔會介意呢啲表面、膚淺嘢。」

後來太太的身體完全恢復,渴望有性行為時,卻發覺對方愈來愈抗拒。「佢明顯發覺老公愈來愈唔想要,做嘅時候都感覺到敷衍、力不從心,勃起有困難。或者明明前戲做得好足,氣氛好好,勃起硬度都沒有問題,但當老公知道要進入,或者入咗去好短時間,就開始軟,軟到完全不能完事。佢哋亦有繼續刺激對方,嘗試令老公可以硬返,有時成功,有時失敗,而失敗嘅次數係愈來愈多。」

太太遂嘗試與丈夫討論問題癥結。「有問過佢老公,究竟係咩事。『點解你而家嘅反應係咁?係咪我唔吸引?係咪你唔愛我?係咪你出面有其他女伴?』老公一直話『我唔知點解』,但站喺太太角度,一個男人理應有性需要,你唔同我做,即係你出面有人同你做,開始影響互相嘅信任。當太太心情好,就冇俾壓力佢,心情唔好,就會發脾氣、爆喊,諸如此類。」

接受治療終坦白 全因一句難言之隱

拖延超過一年,夫妻決定向性治療師求助。何慕詩憶述,與夫妻雙方會面後,感覺到丈夫慾言又止,遂安排單獨會談。「老公終於忽然好坦白,話因為太太入面好鬆。無論前戲做得幾足,有幾硬,一入去陰莖感受唔到任何壓力、刺激,佢形容係『空蕩蕩嘅感覺』,自然謝返。」

原來對丈夫而言,要向妻子道出實話,是非一個丈夫所為。「佢本身心裡清楚知道個問題係乜,但正因為同太太嘅關係好,太太又幫佢生咗兩個好可愛嘅小朋友,佢覺得唔可以,亦唔應該去介意太太嘅陰道鬆咗,呢番說話無論點都講唔出口!所以無論太太幾唔開心、幾嬲、幾發癲,佢都只係默默容忍,其實怕傷害到太太。」

醫學角度理解問題 改變溝通方式

當丈夫道出問題癥結,何慕詩便從醫學及生理角度,向夫妻解釋事情始末。她首先讓丈夫明白,當做愛次數愈來愈少,男性的性荷爾蒙睪丸酮素會下跌,令性需要減少。當意慾少、功能差,對房事愈感抗拒,相對亦不能刺激睪丸銅素上升,跌入惡性循環。她同時向妻子解釋,生下孩子後對身體的影響,丈夫的身體轉變等。「運用同病人溝通嘅技巧,令佢哋對事唔對人,太太唔會覺得先生係針對佢、嫌棄佢。當佢哋對件事嘅理解多咗,對雙方嘅體諒亦大咗。心情轉變,關係亦好咗。」

太太由認為自己沒有問題,到開始慢慢改變,主動尋找方法收復陰道,希望令陰道壁增厚,提升緊緻度,與丈夫間的性愛享受亦漸有改善。「最後引導佢哋喺將來日子,要採用全新嘅溝通模式,令佢哋唔需要再隱瞞,驚對方聽咗唔舒服,亦令聽嗰個懂得分析對方說話,唔會將所有嘢看成係針對個人。」

相關文章:一個月行房一次正常嗎? 理科太太用科學角度分享性生活最佳頻率

一個月才跟丈夫有一次性生活,正常嗎?(按圖了解)

+41