【離婚】細數圈中十對未能挽手到老的夫妻 願這世界如童話?

最後更新日期:

愛情唔係童話,佢唔似童話故事當中所講得咁容易,一個吻就可以好幸福快樂咁走落去。「誰人又相信一世一生這膚淺對白」陳奕迅嘅K歌之王中一句歌詞,相信大家都一定聽過呢首歌,佢表達維持愛情並不易。

愛情唔係童話,佢唔似童話故事當中所講得咁容易,一個吻就可以好幸福快樂咁走落去(網上圖片)

其實愛情係一門學問,因為大家向往愛情嘅美好,所以佢哋都好努力探索緊呢門學問。王子公主戀愛呢嗰到底喺咪傳說?

10.Selina 張承中

Selina同阿中喺訂婚後1個月,Selina喺上海拍攝時遇爆破意外,全身大部分嘅地方灼傷,當時阿中日日去醫院探視陪伴,Selina曾提過分手、兩度退婚都被阿中拒絕,阿中嘅不離不棄更加感動女方,最終結為夫婦。雙方嘅互動相信大家都有目共睹,十分甜蜜。然而,佢哋嘅緍姻只係堅持咗4年,就宣告結束,佢哋最終都無法陪對方走落去。愛情真係一門高深嘅學問。唔好以為只要不斷付出,就可以應付愛情,而且當你結婚後,你先會發現依家先企喺「愛情」嘅起點,路還很長。

+2

9.庚澄慶 伊能靜

當年,庾澄慶同伊能靜22年嘅愛情長跑,喺2000年決定互訂終身個陣,感動眾人,之後兩人甚至共同創作《春泥》呢首歌,當中所寫嘅都係佢哋之間嘅愛情故事,佢哋之間嘅經歷。有邊個會諗到呢對夫妻最後都喺離婚收場。堅持10年嘅感情已經好難,何況喺堅持22年嘅愛情長跑,感覺上呢段時間已經會令雙方嘅感情十分堅固,但現實總係會打擊你,見到庾澄慶同伊能靜之間嘅愛情經歷,可能會令大家唔再相信愛情,但喺佢哋嘅經歷喺提醒緊大家愛情唔容易,愛情係要用心,雙方互相努力先維持到。

8.蔡卓妍 鄭中基

呢對曾經嘅情侶當初開記者招待會承認雙方已經結婚,同一時間再宣佈已準備離婚手續,令大家一時間都反應唔切。佢哋之間嘅感情十分低調,只有佢哋身邊嘅親友先可能知道。雖然佢哋無高調咁放閃曬恩愛,但係當佢哋宣佈準備離婚手續時,雙方都不忍落淚,可見佢哋真係曾經深愛過對方,只係當結婚後,兩家人就會成為一家人,雙方嘅生活,圈子,習慣都會互相影響,可能當佢哋更加深入了解對方,先發現做朋友其實更適合佢哋。雖然佢哋唔可以成為對方最後嘅伴侶,但至少依家佢哋已經搵到各自嘅幸福。

7.林憶蓮 李宗盛

林憶蓮與李宗盛嘅感情,曾一度被媒體譽為娛樂圈裡嘅經典婚姻。可是婚後,有關佢哋要分手的傳聞就一直無斷過,而最終佢哋嘅婚姻, 喺2004年終於塵埃落定,宣佈李宗盛同林憶蓮正式離婚。雖然一開始聽聞係林憶蓮插足,令李宗盛拋棄妻子,但亦可以話佢哋無懼世人嘅眼光,為咗愛情,即使被人責罵,佢哋都依然要選擇一齊。可以話佢哋當時真喺十分相愛對方,但愛情最大嘅難關就係時間,而佢哋最後都係無法跨越呢嗰關口。

+2

6.陳法拉 薛世恒

陳法拉喺2007年同薛世恒拍拖,佢哋高調曬恩愛,更一齊出席公開活動,二人早已係美國秘婚。大家都以為陳法拉同薛世恒結婚=嫁入豪門,之後一定平步青雲。但喺愛情同麵包又點可以相作比較呢,豪門世家嘅關係十分複雜,陳法拉少奶奶生活過得並不如意,同男方家之間嘅關係都係好微妙。而最後7年感情無開花結果,兩人於2013年宣布分開,離婚收場,結束7年感情關係。如果比你揀,你會喺寶馬裡喊,定喺單車上笑呢?

5.王菲 李亞鵬

兩人2004年相戀,隔年結婚,婚後中生咗個女,兩人各自都事業有成,呢段婚姻相信就會行到最後,HAPPY ENDING。但「有時候 有時候 我會相信一切有盡頭;相聚離開 都有時候 沒有甚麼會永垂不朽」王菲嘅《紅豆》,呢首歌彷彿就喺講緊佢哋嘅感情,佢哋婚姻嘅盡頭竟然喺離婚。王菲同李亞鵬喺2013年新疆簽字離婚,為8年嘅婚姻畫下句號。震驚大家,雖然王菲比李亞鵬大,姊弟戀並不被睇好,但佢哋之間嘅互動,經常喺微博放閃曬恩愛,已經令大家改觀。但最後……唔通愛情真喺無可能永垂不朽?

4.黃文迪 呂慧儀

2011年11月黃文迪同呂慧儀結婚,兩人喺2014年生咗個仔。雖然黃文迪無呂慧儀咁紅,要女方擔起養家嘅責任,男主內女主外,然而呂慧儀卻唔介意,佢哋兩人似乎已經對家庭分工有共識,喺工作方面一齊努力,呂慧儀忙緊拍劇嗰陣,黃文迪就會照顧個仔,婚姻生活曾經十分甜蜜。10年嘅愛情長跑到最後終點結婚,大部分嘅難關相信噝個10年都一一跨越,已經無嘢可以斬斷佢哋嘅關係,但最後卻依然以離婚收場。10年嘅感情,雙方嘅付出就咁結束。到底係咪我哋將愛情睇得太容易?

3.謝霆鋒 張柏芝

呢對金童玉女,佢哋嘅感情真係經歷幾度波折,分分合合,到最後,喺2006年閃電結婚,佢哋終於修成正果,更生下兩個孩子。之後爆出艷照事件,謝霆鋒依然選擇企喺張柏芝嘅身邊。呢個就係愛情嘅威力,大家都以為佢哋會好似童話故事所講咁幸福地走下去。但現實就係要打擊我哋。張柏芝、謝霆鋒正式宣布因性格不合而共同決定離婚,5年嘅婚姻就咁完結。愛情唔係跨過種種嘅難關,會變得更加穩固咩?但當結婚後,之前所經歷嘅種種就好似無發生過一樣。

2.劉愷威 楊冪

呢兩個人相信大家都唔陌生,王子同公主嘅組合。劉愷威比楊冪大12歲,二人認識唔到2年就決定結婚,仲生下女兒「小糯米」。點知堅持咗五年,喺2018年底,兩人就係官方微博正式公開離婚嘅消息,以親人嘅身分共同照顧撫養孩子,又係令人大跌眼鏡,諗返佢哋過去相愛嘅點點滴滴,真係好難想像佢哋嘅婚姻會走上離婚呢條路。點解現實中嘅王子同公主唔可以好似童話裡面嘅王子同公主咁,一個Kiss就幸福咁生活落去。

+11
+10
+9

1.宋仲基 宋慧喬

2016韓劇《太陽的後裔》創下超高收視率,劇中嘅男女主角因此成為螢幕CP,然後喺2017年佢哋真喺結埋婚,從螢幕走到現實,公主同王子一齊,大家都祝福佢哋。宋仲基同宋慧喬一齊,令大家願意再次相信愛情嘅美好。點知喺今日(6月27日)王子同公主就各自發布咗離婚訊息,令大家大跌眼鏡,螢幕裡嘅愛情,個陣嘅甜蜜互動,無咗劇本嘅加持,現實嘅愛情係好難真係同劇中咁美好㗎。

延伸閱讀:

港人來台定居首選哪條件?這縣市打敗台北成港人首選No.1​

去一次就討厭的城市?又髒又亂態度差 網友一面倒選亞洲的「它」​

這3種家具千萬「別用買的」!老司機揭:內行人只找木工訂製​

【本文由「DailyView 網路溫度計」授權轉載】



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。