【渣打馬拉松2018】忍喪兄之痛完走初馬　盼向兩侄兒以身作則

跑馬拉松有人為成績突破自己，更有人以身作則，希望親人在逆境中自強。李詠琦（Winky Li）在早前在社交媒體的長跑群組指兄長在賽前意外過身，以忐忑的心情完成初馬。比賽時，有多個跑友加速只為跟Winky講一聲「加油」，即使訓練不足及睡得不好，她仍以5小時16分39秒「身教」侄仔，希望他們傷心過後繼續走下去，要做一個快樂善良的人。

本身不相識的跑友也為我打氣，覺得人間真係好有愛。

身體健康是不少人的心願，卻不是所有人都如此幸運。李詠琦（Winky Li）的兄長上星期一晚腦幹出血入院後昏迷，星期三早上過身，不足3日的時間令兩個侄子失去父親，大家都覺得太突然。意外後，Winky在跑Group「長跑長友」留言指自己首次參加全馬心情忐忑，希望跑友可以跟她打氣，得到大量跑友的留言支持。整整一個星期忙於為兄長辦身後事，東奔西走非常累，但就算躺在床上也睡不着；不過，Winky仍然努力應戰，以5小時16分39秒完走初馬。

賽前一周沒有訓練　不時失眠

賽前Winky沒想過會被認出，也想不到很多跑友向她大叫加油，令她感動不已︰「身材不高腳不夠長，只係放了跑衫的圖片上網，無諗過好多跑友大叫Winky加油，甚至有幾個跑友專登追上來，過後我立即忍不住流淚；本身唔想喊，盡量令情緒平伏但都無辦法，無諗過咁大回響。網上出文後本身不相識的跑友也為我打氣，覺得人間真係好有愛。」

今早阿嫂與4歲半的大侄仔仍有參加親子組，只因他們想完成報了名但未能參賽的家人心願。其實Winky曾考慮棄戰，一想到兩個侄仔，就想到以身作則︰「今次心情好沉重，想畀個牌大侄仔，因為佢4歲幾似懂非懂。想話比佢聽姑姐做到，希望你（大侄仔）都堅強地湊大弟弟，仲有好長的路要走。傷心過後，條路都要行，希望兩個侄仔都要做一個快樂善良的人。」

要完成全馬本身已不容易，要在身心俱疲加上精神壓力甚高的狀態下完成，Winky認為最可行的是用雙腳道出人生道理︰「用5個鐘換小朋友一世的快樂，無嘢過唔到。」

延伸閱讀：
【渣馬直擊】黃芷銦255成香港華人一姐　未敢擔當「新姚潔貞」
【渣馬直擊】陳家豪紀嘉文組織精英培訓隊　盼培育後輩跑奧運
【渣馬直擊】三鐵郭汝鏗PB進步44秒　10公里激鬥封王

承「接龍」概念，跑手接龍將集合各路跑步手，並會定期舉行跑步活動，將來自五湖四海的朋友連結起來！如果你也熱愛跑步，歡迎一齊來跑出生活平衡點！即加入跑手接龍Facebook群組