開箱試玩《勇者指令》食玩Minipla FIRE DAGWON 5個理由值得入手

撰文:鍾世傑
出版:更新:

【開箱試玩《勇者指令》食玩 FIRE DAGWON】Super Minipla 是BANDAI食玩部的一套迷你模型系列,一般會3至4盒1組發售。除了《超級戰隊》系列,近日繼《勇者王》系列後再添食Sunrise勇者系列名作《勇者指令達高安》,首款作品是主角機警車機械人Dagwon+珍寶機機械人Fire Dagwon的3盒裝套組。

《勇者指令》開箱Part1 組合前已看出優點

這套組件雖然不是MIJ日本製,但BANDAI中國廠的技術也不會太差,很多部件做了預先上色,即睇開盒。

+9
1號可以組合到Dagwon(警車變形機械人及3部迷你車),而2+3號一起砌,才可以砌成巨型珍寶航機。(鍾世傑 攝)

《勇者指令》開箱Part2 組合後勁扭試玩

難唔難砌?完成後覺得,Fire Dagwon在組合上沒太多難度,組件尺寸做得很好,不必用「大力金剛指」去強行組合,只要細心跟說明書砌就OK,以下就直接睇睇完成後模型有幾好玩吧。

+28

難唔難砌?其實唔難

比想像中更容易砌,分色也非常好,附送的sticker色水靚又柔軟,基本上跟買隻robot魂回來差不多。不過有一些夾口都比較鬆,變形時有機會散開,建議在了解結構後,部份夾口可以落膠水,之後就會玩得更開心。

+2

開唔開多個坑?不怕款式多就開吧

BANDAI將「四字系列」交給模型部,而「勇者系列」就由食玩部負責,他們先前岠做過6、7款《勇者王》;今次《勇者指令》的分件及可動更出色,腳板貼地性比很多超合金魂更出色,相信《指令》系列會一直出下去,如果你非常喜歡「勇者系列」,不怕最後要買4、5套食玩,可以ALL-IN。

有人會覺得1號警車無法放入大珍寶機體內有點那個,但我就覺得可以有兩部機一齊玩,抵!(鍾世傑 攝)

不是完全無弱點:兩機未能「真.合體」

如果一定要找Fire Dagwon的不足處,就是警車無法真正放入大珍寶機體。因為食玩版要跟足動畫內的真正設定及纖瘦腳長身型,飛機跟車仔的比例要如實重現,警車的確只有手指般小(以前TAKARA DX合體玩具才是為了合體而放大了車仔比例),所以實在是非戰之罪,就當1套2隻figure、放在一起拍照吧。

有人會覺得1號警車無法放入大珍寶機體內有點那個,但我就覺得可以有兩部機一齊玩,抵!(鍾世傑 攝)

同場加映:SIC幪面超人555開箱試玩 3個賣點新版完勝

+6

完全版文章:SIC幪面超人555開箱試玩 3個賣點新版完勝 附兩代SIC Faiz比拼

同場加映:【開箱試玩】新S.I.C. 《幪面超人空我》

開箱試玩 雕刻界名人大山竜創作的新S.I.C.《幪面超人空我》!

完全版請點擊:【開箱試玩】新S.I.C. 《幪面超人空我》 大山竜版古迦怪物級細節

同場加映:Entry Grade高達開箱

高達模型 Entry Grade RX-78-2 Gundam只售50蚊港元,徒手15分鐘就可砌到一隻勁靚又好扭的高達,即送你3招令EG高達更美觀。

+4

完全版請點擊:Entry Grade高達開箱|$50買到RX-78性價比超高!教你3招變靚啲

其他玩具開箱介紹

開箱玩 魔神英雄傳 七魂之龍神丸 NXEDGE STYLE 龍蒼丸 龍戰丸

高達開箱玩 Metal Robot魂天狼王型高達巴巴托司 骨骼精奇夠惡辣

【試玩/素組】高達 HG Beyond Global Gundam 幼腰超可動RX-78-2

MGEX獨角獸高達開箱砌!Unicorn Gundam組裝8個心得 小心斷LED燈

發表評論...