超合金魂高迪安已跌價!貴價玩具冇市場?2021年6個玩具市場觀察

撰文:長濱睡睡
出版:更新:

超合金魂 高迪安 GX-95開市$2500、3日後跌至$1900左右。新冠疫情導致經濟不景氣,當然會影響貴價玩具銷情,但究竟為何BANDAI超合金魂系列連續幾款都跌穿「招股價」?哪類玩具開始被玩家離棄?哪些系列將會越來越值錢?本文歸納了2021年玩具市場6個觀察,入手心頭好前要知!

推出數天高迪安已價至$2000樓下,圖中一盒因包裝盒破損,更特別減至$1880。(FB 我們都是機械人迷/圖片)

👇👇👇超合金魂高迪安GX-95開箱圖輯👇👇👇

+31

究竟高迪安點解會劈得咁快?內在外在問題均在!👇👇👇

+9

【記者分析2021年6個玩具市場動向轉變】

首先重申:玩具始終只是玩具,不可能滿足所有買家及不買的「雲用家」。最怕反而是錯過了心頭好,早早訂購始終比較安心,太在意升跌價非常無謂。

【市況一】錢都花在模型上

其實香港人並無減少玩具消費,不過都去了買幾十、幾百蚊的高達模型。現在舊模型在網上二手交投非常踴躍,近來很多停砌十幾年的老手,不是重新再砌,就是在Facebook Maketplace上散舊模型,一些限定版和絕版貨都有人追,炒極不過千,比玩超合金或Hot Toys輕鬆。

近來很多停砌十幾年的老手,不是重新再砌,就是在Facebook Maketplace上散舊模型。

MG聖約高達開箱圖輯與細節介紹👇👇

+21

原文連結:MG聖約高達TESTAMENT GUNDAM模型開箱 PB網店限定多色成型武器齊

【市況二】美系12吋冇炒味

過去12吋美系之所以炒味極濃,只因內地玩家有需求,如今美系英雄電影此情不再,有內地炒家甚至因疫情令中港來回提貨成本比玩具訂金更高,都索性撕單止蝕。而facebook亦可見到一大批寫明蝕讓的訂單,但買時小心留意訂單有否過期。

【市況三】Metal Build GFFMC 新款吸引難跌價

高達貴價完成品系列Metal Build 2020年款式不斷重複,成績只算守得住(比如Freedom concept 2 仍長賣長有),不過2021接下來很多勁款,又要開始留意。而同系的GFFMC,近日亦有紅彗星MS-05S被劈至$999,好在因為玩具水準其實很高,已清得八八九九。接下來推出的黑色三連星相當吸引,相信不會再劈。

【入手理由1】上色細緻買油都要錢👇👇👇

+25

原文連結:高達馬沙專用「GFFMC MS-05S渣古I」開箱 可動性高4個理由必入手

【市況四】SHF Ultraman好炒過拉打

Ultraman 奧特曼在中國已播了十多廿年,反而幪面超人是近數年才由騰訊引入國內,兩者人氣根不能比。近年大陸玩具對Ultraman玩具的需要愈來愈高,BANDAI生產的SHF超人,幾乎每一款都炒得起,最癲是Ultra Titans,可以由600幾炒到$1800。而最新公布的《超人迪加》更成為玩具爭相訂購的大作。

睇多D:《超人Z》人氣爆燈上3甲  網民票選10大至型Ultraman 超人力霸王

【市況五】食玩模型勢強

中國工人工資上漲,萬代開發更多由玩家動手組合的平價模型,比如裝動,Super Minipla,細細盒有貼紙送,輕鬆一晚砌完,愈來愈多捧場客,今年Super minipla 系列更會改名,準備加價。

+9

連結:開箱試玩《勇者指令》食玩Minipla FIRE DAGWON 5個理由值得入手

【市況六】美系SHF被玩家離棄

美國孩之寶的超人膠公仔又平又靚,SHF卻又貴又少配件,還要pre order等半年,玩家都齊齊棄坑回歸美系。近排SHF公布了Marvel劇《Falcon & Winter Soldier》主角figure,冬兵本附美國隊長盾,官方出圖不足3日後竟忽然改圖抽盾,定價卻照舊,此舉必令更多人離棄SHF。

👇👇同場睇:7間香港抵買玩具店👇👇

玩具、figure、超合金、高達模型,以下7家記者自己有幫趁過,價錢平、款式多的鋪頭,以供參考。

+5

其他6間推介toy shop介紹:聖誕節買figure/超合金/高達模型邊度抵?7大Toys Shop玩具店推介