【逃犯條例】中大生籲停辦迎新營籌組罷課 「Ocamp不能抽離社會」

撰文:
最後更新日期:

有中大生於Facebook專頁CUHK Secrets 發文指,大學迎新營應停擺或轉型,又指「如果OCAMP都唔敢停擺、轉型,談何叫大人罷工」。

帖文發布不到 14 小時,已獲1.1千個讚好及52個分享。

資料圖片

有中大生呼籲停辦迎新營 改為籌組罷課

有中大生以《如果OCAMP都唔敢停擺/轉型,談何叫大人罷工》為題,於CUHK Secrets 發文指,大學迎新營目的在於「係你讀大學前啲有大學經驗嘅人同你玩幾日,等你知咩叫大學,甚至(或者更重要嘅係)大學生究竟係咩」,故「Ocamp一定要回應社會」。發文學生指,目前不少迎新營籌委仍花不少時間在準備遊戲,「如果可以停擺,改做投入運動,可以一定投入更多動能、同人入去運動到」。文中又指,「因為 SU (學生會)講明會發起罷課,已預計九月應該係罷課期」,所以「原定OCAMP日子應該組織新生、動員新生投入罷課同運動」。


▼▼▼▼點擊看中大生發文全文▼▼▼▼

發文的中大生又反駁迎新營「加公民教育元素」一說指,迎新營本應該要有公民教育元素,對於有同學取笑迎新營的「正氣」和「理念」表示不解。文中又指,出於觀感考慮,有示威者仍在囚,「大型玩樂係咪應該停止,當作表態也好,令大家知道「我們與義士同行」都好」。加上近日有團體發起罷工,發文學生指「如果我哋班大學生都仲玩緊 ocamp,點樣同所謂「大人」講要罷工」,「人哋罷工都要拎份工、前途作賭注,我哋付出嘅只係畀嘅錢同時間」。

(中大政政系會馬活言提供)

停辦迎新營 同學意見各異

帖文於CUHK Secrets專頁發布不到 14 小時,已獲1.1千個讚好及52個分享。有學生留言指,「認真啊,咁嘅時勢仲吃喝玩樂,對得住前線抗爭犧牲嘅人?」、「考慮九院會師政總?再約埋友校同學仔一齊八大會師政總?」。

亦有人指不同意停辦迎新營,「Ocamp還ocamp,參與政治運動,本來係個人選擇同志向,冇大台」、「點解要罷 O camp?以前我地中途出去探訪老人院做義工。O camp 根本就係探討作為大學生既身分同意義同埋協助適應去進入社會,社會議題無可避免」、「當然,係需要當中有相關反思嘅,我不嬲都好同意ocamp 當中增加更多對社會以及政治嘅關注,更何況而家港難當前⋯但係起碼,我哋有冇需要,剝奪一整年人,玩ocamp嘅權利呢?當我哋會慨嘆 fm 們無得去會師係錯失一種回憶時,咁樣我哋因為剝奪佢哋玩ocamp嘅選擇又過意得去咩?」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。