【逃犯條例】大學熱議應否罷搞迎新營 退營生:時間放有意義地方

撰文:
最後更新日期:

《逃犯條例》修訂風波持續發酵,中大校園近日就應否停辦迎新營引起同學熱議。有學生於Facebook專頁CUHK Secrets 中,倡議迎新營應停擺或轉型。學生反應各異,有學生發文表示已退出迎新營;亦有學生指罷搞迎新營行為霸道。

資料圖片

中大生發文指退出迎新營

昨日(31日) 有學生於 Facebook 專頁 CUHK Secrets 中,以為《如果OCAMP都唔敢停擺/轉型,談何叫大人罷工》為題,倡議迎新營應停擺或轉型,引起迴響。其後更多學生以「#OCAMP倡議討論」的主題標籤延續相關討論。

有中大生於 CUHK Secrets 專頁發文指,已通知營長退出迎新營,「就算宜家 Ocamp 順利進行,大家都唔會有 mood 」,又引述迎新營營長表示,「其實佢都冇心機再搞 Ocamp,佢想將時間同金錢擺係更加有意義嘅地方,但係都仲係有啲爸媽好期待玩Ocamp,佢唔可以咁唔負責,只可以繼續頂落去」。發文學生又指,「大組長唔方便講罷 Ocamp,輔員係唔係應該考慮下Quit Camp呢?」

帖文發布12小時後,獲1.4千個讚好及29個分享。有網民留言指「支持你嘅決定,佩服你既勇氣」、「搞清楚少少罷課、罷工或者罷 O'Camp 本來嘅意義先⋯⋯就好似反國教、雨傘期間,罷課不罷學,都係一種表達方式」、「其實可唔可以係Ocamp 加一啲環節,咁ocamp目的都唔係淨係玩,可以幫助佢成為一個會思考嘅大學生、準成人」。

▼▼▼▼點擊看退營中大生發文全文▼▼▼▼

有不少中大生以「#OCAMP倡議討論」的主題標籤延續相關討論。有反對「罷Ocamp 」的學生發文指停辦行為霸道,「雖然搞手係有權決定搞唔搞,但你用你嘅權力要所有freshman 為咁你嘅政治取向,冇左Ocamp呢個experience,再睇返你班友成日滿口民主、乜一百種聲音,都幾搞笑」。

中文大學學生會會長蘇浚鋒回應《香港01》記者查詢時指,未收到有書院停辦迎新營的消息。對於有關罷課安排,蘇浚鋒指因形勢持續變化,學界暫時未有共識,焦點仍集中於8月5日的三罷行動。

▼▼▼▼點擊看「#OCAMP倡議討論」的主題標籤討論▼▼▼▼

+3
+3
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。