【低壓槽】張家輝話細細個睇苗僑偉戲大 「佢以前冇咁型嘟嘟哋」

撰文:
最後更新日期:

張家輝自導自演的新作《低壓槽》,昨晚舉行首映,一眾演員張可頤、苗僑偉、張繼聰、林雪、元華、伍允龍等,紛紛現身台上。

對於這個演員班底,家輝稱非常滿意,個個都是自己喜歡的,尤其是三哥苗僑偉,就是有股懾人的魅力。「呢個男人去到今日,竟然仲靚仔過以前,以前睇佢反而嘟嘟哋。」

首映日一眾演員整整齊齊出席。(梁碧玲 攝)

華哥在戲中的造型的確好有型。

元華女兒都愛爸爸演壞人

當日電影《低壓槽》預告片一出,大家已經對選角非常滿意,特別喜歡元華、苗僑偉、林雪這批老氣骨。訪問期間,家輝也稱今次最開心,是找到一班自己喜歡的演員,其特意逐一點評。「當我睇完劇本,想要一個老大角色,我就諗起華哥元華,我鍾意佢演壞人時有份特別嘅喜感,以前做演員冇機會指定同華哥合作,到我做導演就拚死都要搵華哥。」事實上連華哥女兒得知爸爸再演這類角色,都回應一句︰「我都鍾意睇你演壞人。」


至於林雪,家輝跟他多次合作,坦言這是位好矛盾的演員。家輝︰「佢好有演戲天份,但又唔識做戲。係咪好矛盾呀?佢就係咁矛盾,就似一匹野馬咁奔放,作為導演要好好地同佢溝通,控制住,不過好多時都控制唔住任佢亂嚟。」

聽見張家輝在台上讚自己,三哥都以笑回應。(梁碧玲 攝)

三哥這個型佬造型,非常吸睛,可惜他本人就不太喜歡長髮。

三哥都自認係嘟嘟哋
去到三哥苗僑偉,家輝開宗明義話佢係自己偶像,細細個就睇佢大。「雖然我睇時都唔細,但就係細過你(指住三哥)。呢個男人去到今日,竟然仲靚仔過以前,以前睇佢反而嘟嘟哋。」對於被指「嘟嘟哋」,三哥竟然冇反抗,完全和議,仲讚家輝幫戲中一眾男士設計的髮型相當有型。「戲中各人的造型,完全是家輝導演要求,你見每位男演員嘅髮型都咁獨特,就係佢去設計,我哋都係聽導演講。」一直未留過長髮的三哥,對於這個伊健頭又有何評價?「我麻麻地,長頭髮都幾難打理,自己又大汗呢,好唔爽。」幸好今次係做頭套唔使駁髮,否則閒閒地都要坐番你4、5個鐘set頭。



請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。